წლევანდელი აღდგომის ყველაზე დიდი საიდუმლო (ვიდეო)

2020 წლის აღდგომის ბრწყინვალე დღესასწაული ყველაზე გამორჩეული აღმოჩნდა აქამდე აღნიშნულ დღესასწაულებს შორის.

სოფელ ქანდის ცამეტი ასურელი მამის სახელობის ტაძრის წინამძღვარი მამა სერაფიმე ბით ხარიბი ამ მოვლენას ძალიან საინტერესოდ ხსნის:

„წელს აღდგომის დღესასწაული ძალიან დაემსგავსა იმას, რაც სინამდვილეში იყო – ორი ათასი წლის წინ, ანუ ოცდაცამეტ წელს.

ქრისტე მარტო ლოცულობდა გეთსიმანიის ბაღში (ჩვენ გვეძინა, მოციქულთა მსგავსად), მარტომ განიცადა ტანჯვა და შერისხვა (ჩვენ ვაკვირდებოდით), მარტო ავიდა გოლგოთაზე და ჯვარზე (ჩვენ შორიდან ვადევნებდით თვალყურს).

მაცხოვარი განისვენებს საფლავში, რომლის გარშემო დგანან დარაჯნი („პოლიცია“) და იცავენ დალუქულ საფლავს (ჩვენ განვიფანტეთ). ის აღდგება დახურულ კარს მიღმა (ტაძრებში, რომლის გარშემოც იქნება დარაჯი-პოლიცია). მაშინ აღდგომილი უფალი ჩვენც მოგვევლინება „დახურული კარიდან“, როდესაც ბევრი ჩვენთაგანი, მოციქულთა მსგავსად, ჩვენს სახლებში ვიქნებით დახურულ კარს მიღმა (აღდგომა სახლში).

მთელი ამ წლების განმავლობაში, ჩვენ ქრისტიანები ამ წმინდა დღეებში ფიზიკურად ვესწრებოდით მსახურებებს და ვერ ვგრძნობდით რაოდენ მწვავე იყო ღვთის მარტოობა. და საკუთარი თავის მარტოობაც. მაგრამ წელს ასე არ არის.

მაგრამ მე ამ ყველაფერს ვამბობ არა იმიტომ, რომ ყველას მოგიხმოთ და დაგაბრუნოთ ტაძრებში. იქნებ უფალს წელს სურს გვიჩვენოს, სინამდვილეში როგორ მოხდა ეს ყველაფერი? მაშინ ოცდაცამეტ წელს ისე, რომ შევიგრძნოთ“.

artinfo.ge

გაიცანით ქრისტეს ენაზე მოგალობე ასურელი მღვდელ მონაზონი მამა სერაფიმე ბით ხარიბი.