როგორ უნდა მოვიქცეთ მიწისძვრის დროს – საყურადღებო რჩევები

როგორ უნდა მოვიქცეთ მიწისძვრის დროს? – აშშ-ის გეოლოგიური სამსახურის რჩევები:

თუ შენობაში ხართ

* დარჩით ადგილზე! შეძვერით მაგიდის ან სხვა ავეჯის ქვეშ და ხელები ქვემოდან მიაბჯინეთ. მოშორდით ფანჯრებს, ბუხრებს, მძიმე ავეჯსა და ხელსაწყოებს;

* მოშორდით ისეთ ნივთებს, რომლებიც შეიძლება ჩამოვარდეს – მაგალითად, ჭაღი, კედლის კარადები და ა. შ.

* სასწრაფოდ დატოვეთ სამზარეულო, რადგან შეიძლება კედელზე დაკიდებული ავეჯი ჩამოცვივდეს და დაგაზიანოთ;

* არ გავარდეთ გარეთ და კიბეებზე არ ჩახვიდეთ, სანამ ბიძგები არ შეჩერდება. კვლევების თანახმად, ადამიანების დიდი ნაწილი დაზიანებებს, ძირითადად, შენობების დატოვების დროს იღებს;

* არ ისარგებლოთ ლიფტით.

თუ ქუჩაში ხართ

* თუ ქუჩაში ხართ, ეცადეთ მოშორდეთ შენობებს, შუქნიშნებს, ელექტროგადამცემ კაბელებს; გადით შედარებით ღია, ცარიელ სივრცეში.

თუ საჭესთან ხართ

* თუ საჭესთან ხართ, შეჩერდით, მაგრამ ფრთხილად. შეეცადეთ, თქვენი მანქანა მოძრაობის ზონიდან რაც შეიძლება შორს გაიყვანოთ;

* არ გაჩერდეთ ხიდზე ან მის ქვეშ, ესტაკადების, შუქნიშნების, ხეების, განათების ბოძებისა თუ საგზაო ნიშნების ქვეშ;

* დარჩით მანქანაში ბიძგების გაჩერებამდე;

* მოძრაობის გაგრძელებამდე გაეცანით ახალ ამბებს, რათა შეიტყოთ, რაიმე დაზიანება ხომ არ მოხდა გზის იმ მონაკვეთზე, საითაც წასვლას აპირებთ.

თუ ნანგრევებში მოყევით

* არ აანთოთ ასანთი;

* არ იმოძრაოთ ან არ სცადოთ მტვრის მოშორება;

* პირზე ტანსაცმელი აიფარეთ;

* შეეხეთ მილს ან კედელს, რათა მაშველებმა ადვილად მოგაგნონ. იყვირეთ, მაგრამ ისიც გახსოვდეთ, რომ ამ დროს შეიძლება მავნე მტვერი გადაგეყლაპოთ.