საბერძნეთი: 21 ივნისს ატიკაში განგაშის უმაღლესი დონე გამოცხადდა – დაკეტილია პარკები და კორომები

21 ივნისი, ბერძენი მეტეოროლოგების თქმით, ამინდის თვალსაზრისით კვლავაც ძალიან რთული იქნება, რადგან ძლიერი ქარი, მაღალ ტემპერატურასთან ერთად, მთელი საბერძნეთის მასშტაბით ხანძრის გაჩენის პირობებს ქმნის.

არსებული სიტუაციისა და ხანძრების უკიდურესი რისკის გამო, ატიკის რეგიონმა (ადმ. ცენტრი – ათენი) პარკების და კორომების დახურვის გადაწყვეტილება მიიღო.

ხანძრის რისკის პროგნოზის თანდართული რუკის თანახმად, რომელიც ხუთშაბათს, 20 ივნისს სამოქალაქო დაცვის გენერალურმა სამდივნომ (G.G.P.P.) გამოაქვეყნა, დღეს, 2024 წლის 21 ივნისს ატიკის რეგიონის რაიონებში გამოცხადებულია საგანგებო განგაშის სტატუსი (კატეგორია 5), ხანძრის გაჩენის რისკი.

რისკის კატეგორია 5 (განსაკუთრებული საფრთხე)

პოტენციური ხანძრების რაოდენობა ძალიან დიდი იქნება. ყველა ხანძარს, რომელიც შეიძლება გაჩნდეს, შეუძლია სწრაფად მიიღოს დიდი მასშტაბები და ექსტრემალურად განვითარდეს გაჩენისთანავე. მათთან ბრძოლა ძალიან რთული იქნება მანამ, სანამ ხანძრის განვითარებისთვის ხელსაყრელი პირობები არ შეიცვლება.

გარდა ამისა, პარასკევს ხანძრის ძალიან მაღალი რისკია (კატეგორია 4) კიტირაზე (ეგეოსის ზღვის ბერძნული კუნძული), აღნიშნულია სამოქალაქო დაცვის გენერალური სამდივნოს მიერ დღეს გამოქვეყნებულ ხანძრის საფრთხის საპროგნოზო რუკაზე. მე-4 კატეგორია ნიშნავს, რომ ხანძრის რისკი ძალიან მაღალია. მოსალოდნელი ხანძრები, დიდი ალბათობით, უფრო მრავალრიცხოვანი იქნება, მაგრამ კიდევ უფრო სერიოზულია საფრთხე იმის გამო, რომ ნებისმიერმა ხანძარმა შეიძლება დიდ მასშტაბებს მიაღწიოს, თუ ხანძრის თავდაპირველი წყაროს ტერიტორიიდან გააღწევს.

NATURA-ს ტერიტორიებზე, აგრეთვე ტყის ეკოსისტემებში, პარკებსა და კორომებში ადამიანებისა და მანქანების გავლის, ყოფნისა და გადაადგილების ამკრძალავი ღონისძიების განხორციელების და რეგიონული დანაყოფების გადაწყვეტილებების შესახებ შესახებ უფრო დეტალური ინფორმაცია ტერიტორიების საზღვრების მითითებით შეგიძლიათ იხილოთ ამ ბმულზე: patt.gov.gr/koinonia/politiki_prostasia/pp_enimer_prostat

ნინო ბაჯელიძე