სტამბოლის აეროპორტში ძაღლი-თერაპევტები გამოჩნდნენ (ვიდეო)

სტამბოლის აეროპორტში დაიწყო საპილოტე პროექტის განხორციელება, რომელიც მიზნად ისახავს მგზავრებისთვის სტრესისა და შფოთვის მოხსნას ძაღლების დახმარებით.

როგორც მედია იუწყება, ამჟამად პროგრამაში 5 ძაღლი მონაწილეობს, ყველა მათგანი სერტიფიცირებული და პროფესიონალურად გაწვრთნილია, რათა სტრესის ქვეშ მყოფი ადამიანები დაამშვიდონ.

ძაღლებს, რომლებიც ოფიციალურ უნიფორმას ატარებენ და აეროპორტის თანამშრომლები არიან, განსაზღვრული აქვთ სამუშაო გრაფიკი 10:00 საათიდან 16:00 საათამდე. გუნდის ვეტერინარის თქმით, თითოეული ძაღლის ტემპერამენტი მათ სამუშაო საათების რაოდენობას შეესაბამება.

აეროპორტის ხელმძღვანელობის განცხადებით, ისინი უკვე გეგმავენ საპილოტე პროექტის გაფართოებას, რადგან ინიციატივას მგზავრთა დადებითი შეფასებები მოჰყვა.