„თუ დამინახავ, იტირე“ – ევროპაში გვალვის გამო დამშრალ მდინარეებში „შიმშილის ქვები“ ჩნდება

გამოცემა Miami Herald-ის ცნობით, ადგილობრივები იუწყებიან, რომ დამშრალ მდინარეებში ჩნდება საუკუნეების წინანდელი ლოდები, რომლებსაც „შიმშილის ქვებს“ უწოდებენ.

ერთ-ერთი ასეთი ქვა ჩეხეთში, მდინარე ელბის ნაპირზე გამოჩნდა.

ლოდი 1616 წლით თარიღდება და მასზე გაფრთხილება გერმანულ ენაზეა ამოტვიფრული: „Wenn du mich seehst, dann weine“, რაც ასე ითარგმნება: „თუ დამინახავ, იტირე“.

2013 წლის კვლევაში ჩეხ მეცნიერთა ჯგუფი წერდა, რომ ეს ლოდები „მოჭედილია გაჭირვების წლებით და ისტორიისთვის დაკარგულ ავტორთა ინიციალებით; წარწერები გვაფრთხილებს გვალვის მძიმე შედეგებზე“.

„წერია, რომ გვალვებმა განაპირობა ცუდი მოსავალი, საკვების ნაკლებობა, მაღალი ფასები და ღარიბთა შიმშილი. ქვებზე მოხსენიებულია 1900 წლამდე არსებული გვალვები: 1417, 1616, 1707, 1746, 1790, 1800, 1811, 1830, 1842, 1868, 1892 და 1893 წლების“, – წერენ მკვლევრები.

ეს „ჰიდროლოგიური ღირსშესანიშნაობები“ ბოლოს ზედაპირზე 2018 წლის გვალვისას გამოჩნდა.

ევროკომისიის ერთობლივი კვლევითი ცენტრის უფროსი მკვლევრის, ანდრეა ტორეტის განცხადებით, გვალვა, რომელიც ევროპას ამჟამად უტევს, შეიძლება ყველაზე უარესი იყოს გასული 500 წლის განმავლობაში.

გააგრძელე კითხვა აქ: 1tv.ge/news/evropashi