მძიმე დღეები ივლისში – როდის უნდა ველოდოთ მაგნიტურ ქარიშხლებს
![](https://nostal.ge/wp-content/uploads/2024/07/solarstorms_solarflares.jpg)
მარტივი სიტყვებით რომ ვთქვათ, მაგნიტური ქარიშხალი არის დედამიწის მაგნიტურ ველში მკვეთრი ცვლილებები, რომელსაც მზის გაზრდილი აქტივობა იწვევს. ამ მოვლენებს კოსმოსური კვლევის ინსტიტუტსა და მზე-ხმელეთის ფიზიკის ინსტიტუტში სწავლობენ. მაგნიტურ ქარიშხალს ექსპერტები 10-ბალიანი სკალით აფასებენ, სადაც ხუთბალიან და უფრო ძლიერ ქარიშხლებს G1-დან G5-მდე კატეგორია ენიჭებათ.
ივლისშიც მოსალოდნელია გაზრდილი გეომაგნიტური აქტივობის რამდენიმე პერიოდი.
ივლისის მაგნიტური ქარიშხლების კალენდარი ასე გამოიყურება:
თვის პირველი ნახევარი საკმაოდ მშვიდი იქნება. 13 ივლისამდე პერიოდში შესაძლებელია მცირე გეომაგნიტური ინციდენტები, მაგრამ ისინი არ იმოქმედებენ თქვენს გუნება-განწყობასა და ჯანმრთელობაზე.
14 ივლისს მზის ასტრონომიის ლაბორატორია პროგნოზირებს 3-ბალიან მზის აღშფოთებას, მაგრამ მაგნიტოსფერო მშვიდი დარჩება.
თვის შუა რიცხვებში მეტეოდამოკიდებული ადამიანები ფრთხილად უნდა იყვნენ: 15 ივლისს 4-ბალიანი მაგნიტური ქარიშხალი გველოდება აღშფოთებული მაგნიტოსფეროთი, თუმცა ეს პერიოდი ერთ დღეს გაგრძელდება და უკვე 16 ივლისს მაგნიტური აქტივობა 3 ბალითაა შეფასებული.
17-დან 19 ივლისამდე გეომაგნიტური არეულობა გაგრძელდება, ქარიშხალი 2 ბალამდე შემცირდება, მაგნიტოსფერო კი სიმშვიდეს შეინარჩუნებს.
„ქარიშხლის“ პერიოდი ივლისის მეორე დეკადაშიც გაგრძელდება. მცირე აქტივობაა ნავარაუდევი 20-დან 21 ივლისამდე – მაგნიტური ქარიშხალი 3-ბალიანი იქნება, მაგრამ მაგნიტოსფერო მშვიდია.
22-დან 23 ივლისამდე ისევ მშვიდ მაგნიტოსფეროს ველოდებით და გეომაგნიტური აქტივობა კი 2-ბალიანი იქნება.
გეომაგნიტური ქარიშხლის ზემოქმედება ყველაზე ხშირად ვლინდება ამინდზე დამოკიდებულ და გულ-სისხლძარღვთა პრობლემების მქონე ადამიანებში.
მაგნიტური ქარიშხლის ადამიანზე ზემოქმედების ყველაზე გავრცელებული სიმპტომებია:
- თავის ტკივილი
- სისუსტე
- თავბრუსხვევა
- გულისრევა
- სახსრებისა და კუნთების ტკივილი
- არტერიული წნევის მკვეთრი ცვალებადობა
- ძილის დარღვევები (უძილობა ან ძილიანობა)
- ძლიერი დაღლილობის შეგრძნება
როგორ დავიცვათ თავი მაგნიტური ქარიშხლის უარყოფითი გავლენისგან
- გააკონტროლეთ არტერიული წნევა;
- თან გქონდეთ აუცილებელი წამლები (ვისაც გულ-სისხლძარღვთა დაავადებები გაწუხებთ);
- თავიდან აიცილეთ სტრესი და ნეგატიური ემოციები;
- შეზღუდეთ მავნე, არაჯანსაღი საკვები, ალკოჰოლი და სიგარეტი, რაციონი გაამდიდრეთ ხილით და ბოსტნეულით;
- დალიეთ დღეში მინიმუმ 1,5-2 ლიტრი სითხე სხეულის წონის მიხედვით, უმეტესად წყალი, აგრეთვე, ახალი კომპოტები – სასურველია უშაქროდ, თუ მაინცდამაინც ტკბილი გიყვართ, თაფლით დაატკბეთ;
- რეგულარულად გაანიავეთ ოთახი, განსაკუთრებით ძილის წინ;
- მეტი იმოძრავეთ, თუ ფიზიკურ ვარჯიშს ვერ შეძლებთ, სუფთა ჰაერზე ფეხით ისეირნეთ, რაც მეტხანს, მით უკეთესი. გაითვალისწინეთ, რომ რეგულარულობას დიდი მნიშვნელობა აქვს.
კომენტარები