ზოდიაქოს 6 ნიშანი, რომელთაც სხვების აზრების წაკითხვა შეუძლიათ
დიახ, მათ იციან თქვენი საიდუმლოებები! საუბარია ზოდიაქოს წრის ექვს წარმომადგენელზე, რომელთაც თქვენი აზრების წაკითხვა შეუძლიათ.
მგრძნობიარე და ემოციურ კირჩხიბებს ზოდიაქოს ყველა ნიშანს შორის ყველაზე დიდი თანაგრძნობის უნარი აქვთ. ამიტომ ისინი ყოველთვის დროულად ხვდებიან, როცა ადამიანებს მათი მხარდაჭერა სჭირდებათ და საჭირო რჩევებით ეხმარებიან კიდეც. სხვისი ემოციების ამოცნობა, თითქოს იმ ადამიანის „თავში ზის“, ყველაზე მარტივი ამოცანაა ნებისმიერი კირჩხიბისთვის.
ასტროლოგები ზოდიაქოს ამ ნიშანს საუკეთესო ინტუიციის მქონედ მიიჩნევენ, რომელსაც კარგი უნარი აქვს, მომავალს თავისი მაღალგანვითარებული გამჭრიახობის თვალით შეხედოს. თევზებს ინტუიცია საშუალებას აძლევს, მომენტალურად გამოიცნონ გარშემო მყოფთა განწყობა და ამას აქტიურადაც იყენებენ, ამიტომ ისინი ყოველთვის განსაკუთრებულად, სხვებისგან გამორჩეულად უყვართ ნაცნობ-მეგობრებს.
ქალწულის სიძლიერე გამჭრიახი გონება და გასაოცარი დაკვირვების უნარია. იგი გამოირჩევა შესაშურად სხარტი გონებით, ანალიტიკური აზროვნებითა და წვრილმანებისადმი განსაკუთრებული ყურადღებით. მას არ შეუძლია კონკრეტიკის გარეშე, მათ შორის, ურთიერთობებშიც. ქალწული ყოველთვის გულდასმით ადევნებს თვალყურს სხვა ადამიანის ყოველ მოძრაობას, ზედმიწევნით აანალიზებს მის ყველა სიტყვას და თანდათანობით მთლიანად შეისწავლის ამ ადამიანს. შედეგად, საკმარისია შეხედოს ადამიანს და სწრაფად მიხვდეს, რაზე ფიქრობს და რა სურს მას.
მორიელების გარშემო ყოველთვის არის მისტიკური აურა, რომელიც მათ რაღაც უმაღლესთან აკავშირებს. მეექვსე გრძნობა შეუცდომლად კარნახობს მორიელს, ვთქვათ, ატყუებს თუ არა ადამიანი მას. ამ უნარის გამო ბევრს ეშინია ზოდიაქოს ამ ნიშანთან ახლო ურთიერთობისა, რადგან მიაჩნიათ, რომ ისინი ნამდვილი ტელეპათები არიან, რომლებთან ურთიერთობაც სახიფათოა.
სასწორი
სასწორის უნარი, სხვა ადამიანის ადგილზე დააყენოს თავი, რათა სიტუაცია სხვადასხვა თვალსაზრისით განიხილოს, საშუალებას აძლევს მას, მტკიცე ურთიერთობები ჰქონდეს მეგობრებთან და იყოს გონივრული მხარე საკუთარ თუ სხვის კონფლიქტში, რაც მთავარია, სრულად გაუგოს სხვა ადამიანებს. ზოგჯერ ეს სასწორს დეტექტივს ამსგავსებს, რომელიც გონების საიდუმლოებებს ხსნის.
არავის შეუძლია ისე პროფესიულად მორიგდეს ადამიანებთან, როგორც ამას დიპლომატი ტყუპები აკეთებენ. მათ მხოლოდ სხეულის ენაზე ხანმოკლე დაკვირვებით შეუძლიათ გაიგონ, რას ფიქრობს ადამიანი – ამიტომაც, როგორც ჩანს, გამჭრიახმა ტყუპებმა ყოველთვის იციან, რის თქმას აპირებენ სხვები და მზად არიან ამისთვის. ამ ზოდიაქოს ნიშნის გარშემო მყოფები გულში ყოველთვის აღფრთოვანებულნი არიან მისი ასეთი საოცარი უნარით.
თამთა გურული
მსგავს თემაზე: ზოდიაქოს 6 ნიშანი, რომლებსაც ვერაფერს გამოაპარებთ და ვერც მოატყუებთ
ზოდიაქოს 6 ნიშანი, რომლებიც არასოდეს გიღალატებენ
იზიდავს წარმატებას და სიმდიდრეს – რომელი მცენარე უნდა ჰქონდეს სახლში თითოეულ ზოდიაქოს ნიშანს
კომენტარები