მიგრაციული კრიზისი: ჯორჯა მელონი ადამიანებით მოვაჭრეების წინააღმდეგ „დაუნდობელი ომის“ გაჩაღების მოწოდებით გამოდის

ჯორჯა მელონი კონტრაბანდისტების წინააღმდეგ „უმოწყალო ომს“ აპირებს.

იტალიის პრემიერ-მინისტრი, რომელიც მემარჯვენე და ულტრამემარჯვენე პარტიების კოალიციას უდგას სათავეში, მკაცრი ზომების მიღების მოწოდებით გამოვიდა მათ წინააღმდეგ, ვინც მიგრანტთა ნაკადის მოზღვავებას უწევს ორგანიზებას.

ის ირწმუნება, რომ მისი ქვეყანა მზად არის, აწარმოოს ბრძოლა „მესამე ათასწლეულის მონებით მოვაჭრეების“ წინააღმდეგ იმ ფონზე, როდესაც გასულ კვირას იტალიის კუნძულ ლამპედუზაზე 10 000 მიგრანტი ჩავიდა. „ნუთუ, ამ ტრაგედიაზე თვალის დახუჭვა შეუძლია ასეთ ორგანიზაციას, რომელიც თავის დამფუძნებელ დოკუმენტში ადასტურებს ადამიანის ღირსებისა და ფასეულობებისადმი რწმენას?“ – განაცხადა მელონიმ.

იტალიის მთავრობის მეთაურმა აღნიშნა, რომ მის ქვეყანას „სურს, ამ პრობლემასთან ბრძოლის ავანგარდში იყოს“. მან ასევე ისაუბრა „მაფიების“ პასუხისმგებლობაზე, რომლებიც მიგრანტების კონტრაბანდით არანაკლებ შემოსავალს იღებენ, ვიდრე ნარკორეალიზატორები. ჯორჯა მელონიმ პირობა დადო, რომ მისი ქვეყანა ამ ფენომენის მიზეზებში გაერკვევა და აფრიკის ქვეყნებს „განვითარებასა და აყვავებაში“ დაეხმარება. „აფრიკა არ არის ღარიბი კონტინენტი, პირიქით, ის მდიდარია თავის სტრატეგიული რესურსებით“, – დასძინა მან.