„ორერა“ დაბრუნდა!.. – გოგი ცაბაძის სიმღერას „კარგო გოგოვ, კარგი რა“ ვოკალის აკადემიის კვარტეტი ბრწყინვალედ ასრულებს (ვიდეო)

ათასობით ნახვა, მოწონება და უამრავი თბილი კომენტარი დაიმსახურა სოციალურ ქსელში განთავსებულმა ვიდეომ, რომელშიც ვოკალის აკადემიის კვარტეტი ვაჩე ღვინიაშვილის, ოთო ბაზერაშვილის, ნიკოლოზ ხარატის და გეგა შონიას შემადგენლობით ასრულებს კომპოზიტორ გოგი ცაბაძის სიმღერას „კარგო გოგოვ, კარგი რა“. 

„ორერა“ დაბრუნდა“, „21-ე საუკუნის კვარტეტი“, „სრული სვლით… ყოჩაღ… წარმატებები… რა საყვარლობაა. გენაცვალეთ ოქროებო!.. ისტორიები მეორდება…“, „არასოდეს რომ არ მოგბეზრდება მოსმენა…“, „რა მაგრები არიან, აი, ნიჭის ზეიმი“, – წერენ აღფრთოვანებული მსმენელები კომენტარებში.

ჩვენც ვუერთდებით აღფრთოვანებულ პუბლიკას.

ახლა კი ლეგენდარული „ორერას“ ორიგინალური შესრულება გავიხსენოთ.