კვარაცხელია ინგლისში უკვე გაყიდულია – AREANAPOLI ამ ხმებს უარყოფს

ბოლო რამდენიმე დღის განმავლობაში სატრანსფერო ბაზარზე „ნაპოლის“ რამდენიმე ფეხბურთელის ტრანსფერზე ჭორები გახშირდა, მათ შორის, ხვიჩა კვარაცხელიაზე. ამტკიცებდნენ, რომ 22 წლის ქართველი თავდამსხმელი ინგლისში გაყიდეს, მაგრამ გამოცემა AreaNapoli ამ ხმებს უარყოფს.

„„ნაპოლიში“ არსებული ვითარება მოგვაგონებს იმას, რაც „ინტერმა“ ჟოზე მოურინიოსთან ერთად განიცადა: პორტუგალიელმა გუნდთან ერთად ყველა ტიტული მოიგო და მილანელებს დაემშვიდობა.

ანალოგიურად, ლუჩანო სპალეტიმ „ნაპოლის“ ისტორიული წარმატების (მესამე ჩემპიონობის) შემდეგ დაადასტურა, რომ ნეაპოლში დარჩენა აღარ სურდა, მაგრამ მწვრთნელთან დამშვიდობება შეიძლება ერთადერთი დანაკლისი არ იყოს.

სიმონე ბრაგლიამ, სპორტულმა მენეჯერმა და „ჯენოასა“ და „პერუჯას“ ყოფილმა მეკარემ, რადიო TMW-სთან იტალიის ჩემპიონის შესახებ განაცხადა: „როდესაც მეწარმე ჩემპიონატის მოგებით მაქსიმალურ მოგებას იღებს, ის თავის პროდუქტს გაყიდის. ისიც ვიცი, რომ კვარაცხელია ინგლისში უკვე გაყიდულია“.

AreaNapoli ცდილობდა, გაერკვია როგორც კვარაცხელიას, ისე აურელიო დე ლაურენტისის მომავალი. რაც შეეხება პირველ შემთხვევას, კლუბი ქართველის გაყიდვას არ აპირებს. ზოგიერთმა დიდმა კლუბმა, მათ შორის, ინგლისურმა, ინტერესი მართლაც გამოხატა, მაგრამ ამ მომენტისთვის „ნაპოლისთვის“ გუნდის ერთ-ერთ ლიდერზე ამბობენ, რომ გაყიდვას არ ექვემდებარება. „ნაპოლიმ“ ეს გადაწყვეტილება რომ შეცვალოს, საჭიროა საბაზრო ღირებულებაზე ბევრად მეტის შეთავაზება. რაც შეეხება დე ლაურენტისს, ამ დროისთვის მისი იდეაა, რომ გააგრძელოს გუნდის მართვა და მომავალში შვილებს გადასცეს“, – წერს AreaNapoli.

1tv.ge