დიდი ბრიტანეთის პრემიერ-მინისტრის, რიში სუნაკის თქმით, ბრიტანეთში არალეგალურად ჩასული ნებისმიერი პირი ქვეყანაში ვეღარ დარჩება. ახალი კანონი ძალაში, სავარაუდოდ, მომავალ კვირას შევა.
„არ შეცდეთ, თუ აქ არალეგალურად ჩამოხვალთ, ვეღარ დარჩებით“, – თქვა სუნაკმა გამომცემლობა Mail on Sunday-სთან საუბრისას.
ამჟამინდელი პრაქტიკის თანახმად, თავშესაფრის მაძიებლებს, რომლებიც ბრიტანეთში ჩადიან, ხშირ შემთხვევაში, მათი საქმის განხილვის მიზნით, ქვეყანაში დარჩენა შეუძლიათ.
მედიის ინფორმაციით, გასულ წელს ბრიტანეთის საზღვარი არალეგალურად 45 000-ზე მეტმა ადამიანმა გადაკვეთა.
ოფიციალური მონაცემებით, გაერთიანებულ სამეფოში თავშესაფრის მოთხოვნის განცხადებები ევროკავშირის საშუალო მაჩვენებელზე დაბალია.
tabula.ge
კომენტარები