ილონ მასკი ეძებს „ვინმეს, საკმარისად სულელს“, რომელიც ტვიტერის აღმასრულებელი დირექტორის პოსტზე მას შეცვლის
ტვიტერის აღმასრულებელი დირექტორი ილონ მასკი წერს, რომ ამ პოსტს მაშინვე დატოვებს, როგორც კი შემცვლელს იპოვის.
„აღმასრულებელი დირექტორის პოსტს დავტოვებ, როგორც კი ვიპოვი ვინმეს, საკმარისად სულელს იმისთვის, რომ ეს თანამდებობა დაიკავოს“, – წერს ილონ მასკი.
I will resign as CEO as soon as I find someone foolish enough to take the job! After that, I will just run the software & servers teams.
— Elon Musk (@elonmusk) December 21, 2022
მანამდე ილონ მასკმა ტვიტერში გამოკითხვა ჩაატარა და ხელმომწერებს ჰკითხა აზრი ამ საკითხზე. გამოკითხვაში მონაწილეთა 57.5 პროცენტმა მხარი დაუჭირა იმას, რომ მან ტვიტერის აღმასრულებელი დირექტორის პოსტი დატოვოს.
Should I step down as head of Twitter? I will abide by the results of this poll.
— Elon Musk (@elonmusk) December 18, 2022
ილონ მასკმა მიკრობლოგი ტვიტერი 44 მილიარდ დოლარად შეისყიდა მიმდინარე წლის ოქტომბრის ბოლოს და მისი აღმასრულებელი დირექტორი გახდა.
ამერიკელი მილიარდერი, ბიზნეს მაგნატი და ინვესტორი ილონ მასკი ამ დროისთვის „ფორბსის“ ვერსიით მსოფლიოს უმდიდრესი ადამიანების რეიტინგის სათავეშია. მისი ქონება 219 მილიარდ დოლარადაა შეფასებული. იგი 48 მილიარდით უსწრებს მეორე ადგილზე მყოფ ჯეფ ბეზოსს, „ამაზონის“ მფლობელს, რომლის ქონებას „ფორბსი“ 171 მილიარდ დოლარად აფასებს.
ნუცა ყაველაშვილი
კომენტარები