ეკონომიკა

ამანათების გადაზიდვა 15-20%-ით გაძვირდა

ამანათების ტრანსპორტირება გაძვირდა. გადამზიდავი კომპანიები ტარიფების მატების უმთავრეს მიზეზად საწვავის გაძვირებას ასახელებენ.

კომპანია „კამექსის“ ბიზნესის განვითარების ხელმძღვანელი გიგა სეთურიძე ამბობს, რომ ამერიკისა და ბრიტანეთის მიმართულებებზე გზავნილების გადაზიდვის ღირებულება დაახლოებით 15-20%-ით გაიზარდა.

„უმთავრესი მიზეზი, რამაც ტარიფების ზრდა გამოიწვია, საწვავის გაძვირებაა. ამას ემატება ფასების ზრდა უცხოურ საწყობებზე, იმ მასალებზე, რასაც ვიყენებთ ტვირთის ტრანსპორტირებისთვის და ასევე, სახელფასო ფონდის ზრდა და ა. შ. შესაბამისად, ჩვენც მოგვიწია ტარიფების კორექტირება.

წელს ამერიკის მიმართულებაზე ორჯერ მოგვიწია ფასის ზრდა. მანამდე სტაბილურად გვეჭირა ის ტარიფი, რაც გვქონდა კომპანიის გახსნიდან დღემდე. ამერიკაზე დაახლოებით 20%-ით არის მომატებული და სტანდარტული ტარიფი ამჟამად 1კგ-ზე 9$-ს შეადგენს. გერმანიაზე ფასის შენარჩუნებას ჯერჯერობით ვახერხებთ, ხოლო ბრიტანეთის მიმართულებით 1-ლი ნოემბრიდან გადაზიდვების ღირებულება, დაახლოებით 15%-ით გაიზარდა და 1 კგ.-ზე 9.9$-ს შეადგენს. ახალი დამატებული გვაქვს თურქეთის მიმართულება და ჯერ ტარიფის შეცვლა არ იგეგმება“, – განაცხადა გიგა სეთურიძემ.

bm.ge

კომენტარები

Tags

Related Articles

Leave a Reply

Your email address will not be published. Required fields are marked *

Back to top button
გაზიარება
Close