ქართველები უცხოეთში

„11-წლიანი ემიგრაციის შემდეგ მე დავბრუნდი… ვერ გიპასუხებთ, რას ვგრძნობ, უბრალოდ, შინ ვარ“ – ნანა მახარაძე იტალიიდან სამშობლოში დაბრუნდა

მარი ნანა მახარაძე, რომელსაც მთელი საქართველო 9 აპრილის დაუვიწყარი ფოტო კადრიდან იცნობს, თერთმეტწლიანი ემიგრაციიდან სამშობლოს დაუბრუნდა. ნანა ემოციურ პოსტს აქვეყნებს.

„დილა მშვიდობისა, საქართველო.
11-წლიანი ემიგრაციის შემდეგ, მე დავბრუნდი…
უბრალოდ „ჩავაბარგე“ მთელი იტალია – ყოველი გავლილი წელი, დღე, წამი… და სახლში დავბრუნდი…
ვერ გიპასუხებთ, რას ვგრძნობ… უბრალოდ შ ი ნ ვარ …
ჩემს შვილთან, ჩემს ქვეყანაში.
ჩემს ემოციებს გაიგებენ ადამიანები, ვინც „შინ“ დასაბრუნებელი გზების გავლას, წლები ანდომებენ.
მადლობა, იტალია, შენ მუდამ იქნები ჩემი სიყვარული.
გამარჯობა, ჩემო თბილის ქალაქო!
P.S. ცოტა მივიხედ-მოვიხედავ და იმედია, ვიპოვი ჩემს ადგილს. თუმცა, მეგობრებო, ნებისმიერ საქმიან შემოთავაზებას განვიხილავ“, – წერს ნანა მახარაძე ფეისბუქზე.

ნანა მახარაძეს დღეს მთელი საქართველო იცნობს 1989 წლის 9 აპ­რი­ლის მეორე დღეს იური მეჩითოვის მიერ გადაღებული ფო­ტო­ს წყალობით, რომელზეც მას ხის მოზრდილი ტოტი უჭირავს, ზედ შემოხვეული შავი ნაჭრით (გლოვის ნიშნად), რომელიც ერთი შეხედვით საქართველოს დროშად აღიქმება.

„რაც შეეხება ცნობილ შავ-თეთრ ფოტოს, საშინელი დარბევის მეორე დღეს არის გადაღებული და ის ჩემთვის ისეთივე სიმბოლურია, როგორც ნებისმიერი ქართველისთვის. ბევრჯერ აღვნიშნე და ისევ გავიმეორებ, ფოტოზე იმ დროს შეიძლებოდა ყოფილიყო ნებისმიერი ახალგაზრდა, ვისაც ქართულად უძგერდა გული…

…ფო­ტოს გა­და­ღე­ბის მო­მენ­ტი სა­ერ­თოდ არ მახ­სოვს. რო­გორც ერთ-ერთ გა­და­ცე­მა­ში იური მე­ჩი­თოვ­მა თქვა, ფოტო 9 აპ­რი­ლის დარ­ბე­ვი­დან მე­ო­რე დღეს, ვა­კე­შია გა­და­ღე­ბუ­ლი. რა­ღაც მო­მენ­ტში და­უ­ნა­ხავს მო­მა­ვა­ლი მან­ქა­ნა, რომ­ლი­და­ნაც მო­ჩან­და ლა­მა­ზი გო­გო­ნა დრო­შით ხელ­ში, მო­ე­წო­ნა და ფირ­ზე აღ­ბეჭ­და“, – თქვა წლების შემდეგ ნანა მახარაძემ ინტერვიუში.

იგი ემიგრაციაში იტალიაში 2011 წელს წავიდა, საქართველოში კი ერთი ქალიშვილი დატოვა…

„მე 2011 წლიდან ემიგრანტი ვარ. ემიგრანტები თავისებურ „ელჩებად“ ვართ გაბნეულები მსოფლიოს სხვადასხვა კუთხეში, ჩვენს წილ ქვეყანასა და პასუხისმგებლობას მუდამ თან ვატარებთ. ყველაზე ამაყი ვარ, როდესაც ვამბობ, რომ ქართველი ვარ…  დამერწმუნეთ, მოვა დრო და საქართველო იქნება ერთ-ერთი წამყვანი ქვეყანა რეგიონში. ჩემი ახალგაზრდა თაობის უდიდესი იმედი მაქვს, ისინი ხომ თავისუფალ ქვეყანაში დაბადებულები ფერადი თაობაა…“ – ამბობს ნანა მახარაძე „მეტრონომთან“ ინტერვიუში.

ნანა მახარაძემ ხუთი წლის წინ იტალიელ მარ­კო სბ­რა­ჯიზე იქორწინა და საქართველოში დაბრუნებამდე  იტა­ლი­ის ერთ-ერთ უძ­ვე­ლეს ქა­ლაქ არე­ცო­ში ცხოვ­რო­ბდა.

იგი საქართველოში იტალიელ მეუღლესთან ერთად დაბრუნდა.

მსგავს თემაზე:

„ჩემსავით დღემდე ამ ცნობილ ფოტოზე ვინ ხედავდით დროშას?“ – სინამდვილეში კი დროშა არ არის…

კომენტარები

Tags

Related Articles

Leave a Reply

Your email address will not be published. Required fields are marked *

Back to top button
გაზიარება
Close