მოგზაურობა
ქუთაისის აეროპორტი მგზავრების მიღებას ხვალიდან განაახლებს
ქუთაისის საერთაშორისო აეროპორტის ცნობით, იგი მგზავრების მიღებას 31 ოქტომბრის 01:00 საათიდან განაახლებს.
როგორც ცნობილია, აეროპორტი რეაბილიტაციის გამო იყო შეჩერებული 10 ოქტომბრის შემდეგ, თავიდან 2-კვირიანი ვადით, თუმცა შემდეგ ვადა კიდევ ერთი კვირით გადაიწია. ამ დროის განმავლობაში შეაკეთეს ასფალტბეტონის საფარის დაზიანებული ადგილები, გაამაგრეს საფუძველი და ჩაატარეს 2.5 კმ-იანი ასაფრენი ზოლის გეგმური რეაბილიტაცია.
ქუთაისის საერთაშორისო აეროპორტიდან ამ სამი კვირის განმავლობაში შესასრულებელი რეისები თბილისის საერთაშორისო აეროპორტიდან შესრულდა.
კომენტარები