ლაშა მძინარაშვილი მსოფლიო კასკადიორთა დაჯილდოებაზე „საუკეთესო ბრძოლის სცენის“ კატეგორიაშია წარდგენილი (ვიდეო)

ქართველი მოცეკვავე და მსახიობი ლაშა  მძინარაშვილი ჰოლივუდში „ტაურუსის“  მსოფლიო  კასკადიორთა დაჯილდოებაზე „საუკეთესო ბრძოლის სცენის“ კატეგორიაშია ნომინირებული.

საუბარია რეჟისორ მეთიუ ვონის ფილმზე The King’s Man, რომლის მთავარ საბრძოლო სცენაში მძინარაშვილმა ქართული ცეკვის ელემენტები გამოიყენა.

ფილმში მოვლენები მეოცე საუკუნის პირველ ნახევარში ვითარდება და ნათელს ჰფენს იმას, თუ რამ მისცა საიდუმლო ორგანიზაციის Kingsman-ს შექმნას ბიძგი. როდესაც კაცობრიობის ისტორიაში რამდენიმე საზარელი ტირანი და დამნაშავე გენიოსი გაერთიანდება, რათა მილიონობით ადამიანის განადგურების საშიში გეგმა განახორციელონ, მსოფლიოს ბედი მარტოხელა გმირის ხელში აღმოჩნდება

გამარჯვებულები 17 სექტემბერს დასახელდებიან. სხვადასხვა კატეგორიაში ასევე წარდგენილია ფილმი „ფორსაჟი 9“, რომლის ნაწილიც საქართველოშია გადაღებული.