„Free Ukraine, fuck Putin“ – ამ შეძახილით დაასრულა დამიანო დავიდმა, იტალიური ჯგუფის „მანესკინის“ (Maneskin) ფრონტმენმა ფესტივალ Coachella-ზე გამოსვლა, რომელიც ინდიოში (რივერსაიდის ოლქი, კალიფორნიის შტატი, აშშ) მიმდინარეობს, პანდემიის გამო იძულებითი 2-წლიანი პაუზის შემდეგ. „მანესკინი“ ამ ფესტივალზე პირველად გამოვიდა და ახლა ის მსოფლიო მუსიკალურ ჩარტებში ლიდერია.
thxxx @coachella 💘💘 https://t.co/4TowWgWmcm
— MåneskinOfficial (@thisismaneskin) April 18, 2022
ჯგუფის მიერ შესრულებულმა როკმა სცენაზე 45 წუთის განმავლობაში ცეცხლი დაანთო. მათი გამოსვლა დაიწყო სიმღერით – «Zitti e buoni» (რომლითაც გამარჯვება მოიპოვეს ჯერ სანრემოზე, შემდეგ კი ევროვიზიაზე), გაგრძელდა სიმღერებით – ‘In nome del padre’, ‘Mamma mia’, ‘Beggin’, ‘I wanna be your dog’, ‘I wanna be your slave’ და დასრულდა უკრაინის მხარდამჭერი – ‘Gasoline’-ით.
თავისი პირველი გამოსვლისთვის Coachella-ს ფესტივალზე, რომელიც 1999 წლიდან ყოველწლიურად ტარდება (გამონაკლისი იყო გასული 2020 და 2021 წლები პანდემიის გამო), „მანესკინი“ Gucci-ს არასტანდარტული LOOK-ებით წარდგა, რომლებიც შევსებული იყო დეტალებით Gucci Jewelry-სა და Gucci Beauty-სგან. ამის შესახებ ცნობილი იტალიური ბრენდი ინსტაგრამის თავის ოფიციალურ გვერდზე წერს.
View this post on Instagram
ნინო ხოშტარია
კომენტარები