ANONIMOUS-ის თქმით, დაიწყო რუსეთის ცენტრალური ბანკის მონაცემთა გამოქვეყნება
ჰაკერების ჯგუფმა Anonymous-მა, რომელმაც ახლახან განაცხადა, რომ რუსეთის ცენტრალური ბანკის კომპიუტერულ სისტემაში შეაღწია, 28GB-ის მოცულობის მონაცემები გამოაქვეყნა. დოკუმენტების ბმულები Anonymous-ის ტვიტერის ანგარიშზეა მითითებული.
ჰაკერები აცხადებენ, რომ დოკუმენტები ინტერნეტის სხვადასხვა წერტილში დაგზავნეს და თუკი მათ ცენზურას დაუქვემდებარებენ, ჰაკერები ახალ ბმულებს გამოაქვეყნებენ.
ინტერნეტში გამოჩნდა ასობით სააუდიტორო დასკვნა და მონაცემები ბანკების მფლობელების შესახებ. თავად ჰაკერები აცხადებენ, რომ მათთვის უკვე ხელმისაწვდომია ცენტრალური ბანკის „საიდუმლო შეთანხმებები“.
Anonymous-მა ასევე გამოაქვეყნა ვიდეომიმართვა რუსეთის პრეზიდენტ ვლადიმირ პუტინისადმი.
🔴MESSAGE FROM #ANONYMOUS RABBIT:
“People shouldn’t be afraid of their government, governments should be afraid of their people.”The Central Bank of Russian Federation leak (28 GB) has been published by Anonymous❗️#Ukraine #OPRussia
🔻 pic.twitter.com/BJJBMpZESZ— The Black Rabbit World (@Thblckrbbtworld) March 25, 2022
„პუტინო, შენი არცერთი საიდუმლო არ არის დაცული. ჩვენ ყველგან ვართ, ჩვენ ვართ შენს სასახლეში, ჩვენ ვართ იქ, სადაც ჭამ, ჩვენ შენს მაგიდას ვუსხედვართ, ჩვენ შენს საძინებელში ვართ. ვაქვეყნებთ რუსეთის ცენტრალური ბანკის ასობით დოკუმენტს: შეთანხმებებს, წერილებს, ტრანზაქციებს, შენი ოლიგარქების სავაჭრო საიდუმლოებს, ეკონომიკურ ანგარიშებს, რომლებსაც საზოგადოებას უმალავენ“, – ნათქვამია ვიდეოში.
ჰაკერების ჯგუფმა Anonymous-მა 24 თებერვალს, უკრაინაში რუსეთის შეჭრის პირველ დღეს გამოაცხადა, რომ კიბერთავდასხმებს განახორციელებს რუსეთის სახელმწიფო დაწესებულებებისა და მედიის საიტებზე. იერიშები განხორციელდა კრემლის, სახელმწიფო დუმის, თავდაცვის სამინისტროსა და სხვა დაწესებულებათა საიტებზე.
radotavisufleba.ge
კომენტარები