რომელი კოვიდრეგულაციები აღარ მოქმედებს პირველი მარტიდან საქართველოში

ქვეყანა პანდემიასთან ბრძოლის ახალ ეტაპზე გადავიდა.

1-ლი მარტიდან ე. წ. კოვიდსასტუმროები გაუქმდა, უქმდება თერმოსკრინინგის და ჟურნალის წარმოების ვალდებულება, ასევე, დეზობარიერების გამოყენება.

დღეიდან სოციალური ღონისძიებების, ქორწილის, წვეულების, დაბადების დღის, ქელეხის გამართვა დაშვებული ხდება. ქვეყნის მასშტაბით კვების ობიექტებზე, დახურულ სივრცეში ერთ მაგიდასთან დაშვებულ პირთა რაოდენობა 10-მდე გაიზარდა, ხოლო ღია სივრცეში – 15 ადამიანამდე.

პირბადე და ვაქცინაცია ისევ რჩება კორონავირუსის წინააღმდეგ მთავარ იარაღად.