fbpx
სპორტი

ეთერ ლიპარტელიანმა თელ-ავივის გრან სლემზე ვერცხლის მედალი მოიპოვა

ისრაელის დედაქალაქ თელ-ავივში 17 თებერვალს ძიუდოში გრან სლემმა აიღო სტარტი. ტურნირზე საქართველოს ნაკრები 15 სპორტსმენით არის წარმოდგენილი. წელს თელ-ავივში მხოლოდ 34 ქვეყნის 298 ძიუდოისტი იასპარეზებს, რაც მსოფლიოში კორონავირუსის პანდემიითაა გამოწვეული.

თელ-ავივის გრან სლემზე პირველ საშეჯიბრო დღეს საქართველოს ნაკრები ხუთი სპორტსმენით გამოვიდა, რომელთაგანაც ფინალურ ბლოკში მხოლოდ ეთერ ლიპარტელიანი (57 კგ) ვიხილეთ. ოთხი მათგანი კი – თემურ ნოზაძე (60 კგ), ირაკლი კუპატაძე (60 კგ), ლაშა ნადირაძე (66 კგ) და მარიამ ჯანაშვილი (52 კგ) ტურნირს პირველივე შეხვედრებში გამოეთიშნენ.

57 კგ წონით კატეგორიაში ეთერ ლიპარტელიანი ტურნირის ფინალში ფრანგ პრიშილა გნეტოს შეხვდა და მსაჯის გაურკვეველი გადაწყვეტილებით, შეხვედრის ძირითადი დროის დამთავრებამდე 13 წამით ადრე ყვითელი ბარათებით დამარცხდა. ქართველმა ძიუდოისტმა შეჯიბრზე ვერცხლის მედალი მოიპოვა, რაც ლიპარტელიანისთვის დიდი წარმატებაა.

შეგახსენებთ, რომ ეთერ ლიპარტელიანმა 2021 წელს, თელ ავივის გრან სლემზე ბრინჯაოს მედალი მოიპოვა.

1tv.ge

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close