იტალიელი მაფიოზი GOOGLE MAPS-ის წყალობით დააკავეს
ესპანეთში იტალიელი მაფიოზი დააკავეს, რომელიც ციხიდან გაიქცა და 20 წლის განმავლობაში ეძებდნენ. 60 წლის მამაკაცის დაკავებაში სამართალდამცველებს Google Maps-ი „დაეხმარა“. ამის შესახებ მედია იუწყება.
სიცილიური დანაშაულებრივი დაჯგუფების წევრი ჯოაკინო გამინო იტალიაში მკვლელობებში იყო გარეული, მას სიცოცხლის ბოლომდე პატიმრობა ჰქონდა მისჯილი, თუმცა ციხიდან გაქცევა შეძლო და ესპანეთში გადავიდა გამოგონილი სახელით.
გამინომ თავისი ადგილმდებარეობა შემთხვევით გაამჟღავნა – ის Google Maps-მა გადაიღო. მას შემდეგ, რაც კადრი ქსელში გამოჩნდა, პოლიციელებმა იცნეს გამინო.
Era él.https://t.co/bFxXT62kj1
— NIPORWIFI © (@niporwifi) December 20, 2021
გუგლის რუკების ფოტო, რომლითაც პოლიციელებმა გამინო (მარჯვნივ, სახე დაფარულია) იცნეს და დაკავება შეძლეს
გამინო მადრიდის მახლობლად პატარა დასახლებაში ცხოვრობდა. როდესაც გუგლის რუკების ფოტო ქსელში გამოჩნდა, პოლიციელებმა დათვალიერებისას მასზე გამოსახული მამაკაცი ძებნილ მაფიოზის მიამსგავსეს და გამოძიებაც დაიწყო.
Gioacchino Gammino, latitante da 20 anni, scovato con Google Maps VIDEO https://t.co/31AYS2drl8 pic.twitter.com/XjL7R7Wft1
— RagusaNews (@Ragusanews) January 5, 2022
გამინო 20 წლის წინათ
გამოძიება თითქმის 2 წელიწადს გაგრძელდა და წარმატებით დაგვირგვინდა. 60 წლის მაფიოზის პიროვნება იდენტიფიცირებულია და იგი დაკავებულია. ამჟამად იგი ესპანეთის ციხეშია და, როგორც მედია იუწყება, თებერვლის ბოლოს იტალიაში გადაიყვანენ.
კომენტარები