100 წლის ამბულატორია სოფელ ჯურუყვეთში, სადაც კოვიდსაწინააღმდეგო აცრები ტარდება

„ეს ჯურუყვეთის სოფლის ამბულატორიაა, დედაჩემი (ლიანა გიგინეიშვილი) აქ აიყვანეს აღრიცხვაზე, როცა დაიბადა, ახლა ის 83 წლის არის და ეს შენობა 100 წელზე მეტს ითვლის.

მდებარეობა – ფანტასტიკური, ტერიტორია – უზარმაზარი, შენობა და სტატუსი – იგივე, დღესაც ფუნქციონირებს და აცრებიც აქ ტარდება.

გულგრილად ვერ ჩავუარე ამ ისტორიულ შენობას“, – წერს ჟურნალისტი რუსუდან მაჭავარიანი სოციალურ ქსელში და ლანჩხუთის მუნიციპალიტეტის ამ შესანიშნავი სოფლის 100-წლოვანი  ამბულატორიის შთამბეჭდავ ფოტოებს აქვეყნებს, რომელიც ერთი კვირის წინ თავად გადაიღო.