fbpx
იტალიასაზოგადოება

იტალიაში ვაქცინირებულებს შორის გარდაცვლილთა საშუალო ასაკი 85 წელს შეადგენს

იტალიაში ვაქცინირებულებს შორის გარდაცვლილთა საშუალო ასაკი 85 წელს შეადგენს. ამას ცხადყოფს იტალიის ჯანდაცვის ეროვნული ინსტიტუტის მიერ ჩატარებული კვლევა.

კვლევის შედეგების თანახმად, ვაქცინირებულებს შორის გარდაცვლილ პირებს საშუალოდ 5 თანმდევი დაავადება ჰქონდათ.

აღსანიშნავია, რომ არავაქცინირებულ პირებს შორის გარდაცვლილთა საშუალო ასაკი 78 წელს შეადგენს.

ვაქცინირებულებს შორის გარდაცვლილ პირებში ყველაზე უფრო შემდეგი დაავადებები ჭარბობდა: გულის პრობლემები, დემენცია და კიბოს შემთხვევები.

კვლევა მიმდინარე წლის 1-ლი თებერვლიდან 5 ოქტომბრის ჩათვლით პერიოდის მონაცემებს მოიცავს. აღნიშნულ პერიოდში იტალიაში კორონავირუსს 38 096 ადამიანი ემსხვერპლა. აქედან 33 620 ადამიანი არავაქცინირებული იყო, 2 130-მა ადამიანმა ვაქცინის ერთი დოზა მიიღო ან ანტისხეულების წარმოქმნამდე დაინფიცირდა, ხოლო 1 440 ადამიანი სრულად ვაქცინირებული იყო.

imedinews.ge

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close