ევროკავშირის მედიკამენტების უწყების გაფრთხილებით, შესაძლო კავშირია PFIZER-ისა და MODERNA-ს ვაქცინებსა და გულის ანთებას შორის
ევროპის კავშირის მედიკამენტების მარეგულირებელი უწყების თანახმად, მიკვლეულია შესაძლო კავშირი გულის ანთებასა და კოვიდ-19-ის საწინააღმდეგო ვაქცინებს შორის, რომლებსაც Pfizer-ი და Moderna აწარმოებენ.
მიოკარდიტი (გულის კუნთის ანთება) და პერიკარდიტი (გულის პერანგის ანთება) მითითებული უნდა იყოს, როგორც იმ ვაქცინების შესაძლო თანმდევი ეფექტი, რომლებიც რიბონუკლეინის მჟავას, როგორც მაცნის, პრინციპით მოქმედებენ (mRNA ვაქცინები). ამის თაობაზე 9 ივლისს ევროპის მედიკამენტების სააგენტოს (EMA) უსაფრთხოების კომიტეტმა გააკეთა განცხადება. EMA-ს თანახმად, ამგვარი გართულება ემართებათ უპირატესად ახალგაზრდა კაცებს, რომლებსაც, როგორც წესი, გულზე გართულების სიმპტომები მეორე დოზის გაკეთებიდან ორი კვირის განმავლობაში გამოაჩნდებათ ხოლმე.
ეს მიკვლევა დასტურია გასულ თვეში გაკეთებული დასკვნისა, რომელიც აშშ-ის ჯანდაცვის უწყების ოფიციალურმა პირებმა გამოაცხადეს.
ევროპის მედიკამენტების უწყება ასევე გამოდის რეკომენდაციით, რომ პირები, რომლებსაც აქვთ „კაპილარების გაჟონვის სინდრომი“ (CLS), არ აიცრან Johnson & Johnson-ის ერთდოზიანი ვაქცინით. „კაპილარების გაჟონვის სინდრომი“ (CLS) გასულ კვირაში ანალოგიური მეთოდით მოქმედი AstraZeneca-ს და Vaxzevria-ს თანმდევი ეფექტების სიაში შეიტანეს.
ევროპის მედიკამენტების უწყება ასევე აცხადებს, რომ ნაადრევია იმის დადგენა, საჭიროა თუ არა რიბონუკლეინის მჟავას (mRNA) პრინციპზე მოქმედი ვაქცინების ორ დოზაზე მეტი, როგორც ეს დღეს არის მიღებული. Pfizer-მა და მისმა გერმანელმა პარტნიორმა, BioNTech-მა, 8 ივნისს განაცხადეს, რომ აპირებენ მიმართონ აშშ-ის და ევროპის შესაბამის სამსახურებს, ნება დართონ აცრის დამატებითი დოზის გავრცელებაზე.
Pfizer-ს მესამე დოზის აუცილებლობის არგუმენტად მოჰყავს აცრიდან ექვსი თვის შემდეგ ინფიცირების გაზრდილი საშიშროება და კორონავირუსის უფრო სწრაფად გადამდები, დელტა ვარიანტის გავრცელება.
კომენტარები