ქვეყნდება ხანგრძლივი COVID-19-ით დაზიანებული ფილტვების ფოტოები – უახლესი კვლევა
ირკვევა, რომ ჩვეულებრივი კომპიუტერული ტომოგრაფია ამ დაზიანებებს ვერ „ხედავდა“, შესაბამისად, ექიმები პაციენტებს ეუბნებოდნენ, რომ ფილტვები ნორმაში ჰქონდათ.
ოქსფორდისა და შეფილდის უნივერსიტეტების მეცნიერებმა, ვიზუალიზაციის უახლესი მეთოდის გამოყენებით, COVID-19-ით დაავადებული პაციენტების ფილტვების დაზიანებების ჩვენება შეძლეს.
კვლევა მსოფლიოს წამყვან რადიოლოგიურ ჟურნალ Radiology-ს საიტზეა გამოქვეყნებული.
Hyperpolarized 129Xe MRI Abnormalities in Dyspneic Participants 3 Months after COVID-19 Pneumonia: Preliminary Resultshttps://t.co/BFJBjZjPL7 pic.twitter.com/tRdDLVr8Ew
— dada (@dadababako1966) May 27, 2021
აღსანიშნავია, რომ ჩვეულებრივი კომპიუტერული ტომოგრაფია და კლინიკური კვლევები ამ დაზიანებებს ვერ „ხედავდა“, შესაბამისად, ექიმები პაციენტებს ეუბნებოდნენ, რომ ფილტვები ნორმაში ჰქონდათ.
კვლევის ავტორებმა ვიზუალიზაციის ახალი მეთოდი გამოიყენეს − მაგნიტორეზონანსული ტომოგრაფია ჰიპერპოლარიზებული ქსენონით (XeMRI). ეს ტექნოლოგია საშუალებას იძლევა, დეტალურად იყოს შესწავლილი ფილტვების ფუნქცია, კონკრეტულად კი, ფილტვების ალვეოლებში გაზგაცვლა.
აღინიშნება, რომ კვლევა არ ყოფილა მასშტაბური − სულ ცხრა პაციენტის ფილტვების XeMRI-შედეგებია შესწავლილი. ყველა მათგანი დაახლოებით ნახევარი წლის წინათ იყო ინფიცირებული კორონავირუსით, თუმცა ყველა მათგანი უჩიოდა გამუდმებულ ქოშინს, მიუხედავად იმისა, რომ ფილტვების ჩვეულებრივი კომპიუტერული ტომოგრაფია სრულიად ნორმალურ შედეგებს აჩვენებდა.
„დამატებითმა მაგნიტორეზონანსულმა სკანირებამ ჰიპერპოლარიზებული ქსენონის გამოყენებით გამოავლინა ანომალიები, რომელთა დანახვაც შეუძლებელია სტანდარტული გამოკვლევისას. ეს ანომალიები ხელს უშლის ჟანგბადს, მოხვდეს სისხლნაკადში“, − განმარტა კვლევის თანაავტორმა, ოქსფორდის უნივერსიტეტის პროფესორმა, რადიოლოგმა ფერგუს გლისონმა.
ახალმა ტექნოლოგიამ მეცნიერებს მისცა შესაძლებლობა, მიეღოთ ზუსტი ემპირიული მონაცემები ხანგრძლივი კოვიდის მქონე პაციენტების ფილტვების დაზიანებების თაობაზე.
ახლა მკვლევარებს უკვე აქვთ ეფექტიანი ინსტრუმენტი იმ პაციენტების მდგომარეობაზე დასაკვირვებლად, რომლებსაც სუნთქვის პრობლემები აწუხებთ. მეცნიერებმა უკვე დაიწყეს იმ ადამიანების ფილტვების კვლევა, რომლებიც COVID-19-ით ჰოსპიტალიზებული არ ყოფილან, თუმცა კლინიკებს ხანგრძლივ კოვიდზე ჩივილებით მიმართავდნენ.
კომენტარები