fbpx
ქართველები უცხოეთშიხელოვნება

გიორგი გაგნიძე ნეაპოლის სან კარლოს თეატრში იმღერებს

ნეაპოლის უძველეს საოპერო თეატრში 14 მაისიდან 23 მაისის ჩათვლით ვერდის ოპერა „ტრავიატა“ იქნება წარმოდგენილი, რომელშიც მსოფლიოში სახელგანთქმული ქართველი საოპერო მომღერალი გიორგი გაგნიძე მიიღებს მონაწილეობას.

ცნობილი ბარიტონი ჟორჟ ჟერმონის პარტიას ორ სხვადასხვა შემადგენლობასთან ერთად შვიდ სპექტაკლში იმღერებს.

მსოფლიო კოვიდპანდემიის შემდეგ თეატრები ნელ-ნელა უბრუნდებიან ჩვეულ სამუშაო რიტმს. ნეაპოლშიც ყველა წარმოდგენა მაყურებლის დასწრებით და კოვიდრეგულაციების დაცვით გაიმართება.

აღსანიშნავია, რომ გიორგი გაგნიძის პირველი სადებიუტო სპექტაკლი 2007 წელს „ლა სკალაში“ სწორედ ვერდის „ტრავიატაში“ შედგა. დადგმას ლორინ მაზელი დირიჟორობდა. გიორგი გაგნიძეს პარტნიორობას უწევდნენ იონას კაუფმანი და ირინა ლუნგუ.

გიორგი გაგნიძე ერთ-ერთი ყველაზე ცნობილი ქართველი საოპერო მომღერალია, რომლიც უდიდესი წარმატებით გამოდის მილანის „ლა სკალას“, პარიზის ბასტილის თეატრის, მადრიდის რეალის თეატრის, ნიუ-იორკის ёმეტროპოლიტენ ოპერასЁ, ლოს ანჯელესის და სან ფრანცისკოს ოპერის თეატრების, ბერლინის „დოიჩე ოპერას“, ვენის „შთაატს ოპერას“, „არენა დი ვერონას“ და სხვა სცენებზე.

1tv.ge

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close