იტალიელი მაფიოზი, რომელსაც ინტერპოლი წლების განმავლობაში ეძებდა, კულინარიის სიყვარულმა და ტატუმ დაღუპა. სწორედ ტატუთი ამოიცნეს იუთუბის კულინარიულ არხზე განთავსებულ ვიდეორგოლებში სამართალდამცველებმა კალაბრიული მაფიოზური დაჯგუფების, „ნდრანგეტას“ წევრი მარკ ფერენ კლოდ ბიარტი, რომელსაც 2014 წელს რეჯო კალაბრიის გამომძიებელმა მოსამართლემ წინასწარი პატიმრობის განაჩენი გამოუტანა ნარკოტიკებით ვაჭრობისთვის.
53 წლის მარკ ფერენ კლოდ ბიარტი 24 მარტს დააკავეს ინტერპოლის თანამშრომლებმა დომინიკელთა რესპუბლიკის ქალაქ ბოკა ჩიკაში (დედაქალაქ სანტო დომინგოსთან ახლოს), სადაც 5 წლის განმავლობაში ემალებოდა მართლმსაჯულებას. იგი იტალიაში ჩაიყვანეს და საპატიმროში მოათავსეს.
ბოკა ჩიკაში მას იცნობდნენ, როგორც მარკს. მორიდებული, ძალიან ფრთხილი მამაკაცი თითქმის აჩრდილად იქცა, სწორედ ამ სიფრთხილემ მისცა მას შესაძლებლობა, ამდენი წლის განმავლობაში შეუმჩნეველი დარჩენილიყო, თუმცა კულინარიის სიყვარულმა არ მოასვენა და თან ერთი დეტალი მაინც გამოეპარა – ტატუ!
საქმე ის არის, რომ ბოკა ჩიკაში ყოფნისას ბიარტმა, თავის ცოლთან ერთად, Youtube-ზე შექმნა არხი იტალიური სამზარეულოს შესახებ, სადაც უამრავი ვიდეორგოლი განათავსა რეცეპტებით. ამ რგოლებში ფიგურირებდა მამაკაცი, რომელიც საკუთარ სახეს არასდროს აჩენდა, თუმცა კადრში მისი ტატუ მოხვდა, რითაც იგი გაშიფრეს და დააკავეს.
ნინო ხოშტარია
BREAKING: Another #Ndrangheta mafia boss has een captured through cooperation between Italy and Portugal under the banner of INTERPOL’s I-CAN project. Together we can #StopNdrangheta https://t.co/sqAVHVaQfc
— INTERPOL (@INTERPOL_HQ) March 29, 2021
კომენტარები