მკაცრი ლოქდაუნი: რა სახის შეზღუდვები მოქმედებს დღეიდან, 11 თებერვლიდან ათენსა და ატიკის ოლქში

ატიკის ოლქსა და, მათ შორის, ქალაქ ათენში დღეიდან, 11 თებერვლიდან 28 თებერვლამდე ძალაში იქნება შემდეგი სახის შეზღუდვები:

• ნიღბის ტარება სავალდებულოა როგორც გარეთ, ისე დახურულ სივრცეში.
• იზღუდება გადაადგილება სამუშაო დღეებში საღამოს 9 საათიდან დილის 5 საათამდე, ხოლო შაბათ-კვირას – საღამოს 6 საათიდან დილის 5 საათამდე. დანარჩენ დროს გადაადგილება მოხდება sms-ის მეშვეობით, როგორც აქამდე.
• ყველა სახის სასწავლო დაწესებულება იმუშავებს დისტანციურად.
• დაგეგმილი ქირურგიული ოპერაციების უმრავლესობა გადაიდება. გამონაკლისს წარმოადგენს შემთხვევები, რომლებიც დაკავშირებულია ონკოლოგიურ დაავადებებთან ან როდესაც საჭიროა გადაუდებელი ქირურგიული ჩარევა.
• საეკლესიო მსახურება მრევლის გარეშე ჩატარდება.
• საზოგადოებრივი ტრანსპორტის დატვირთვა დასაშვებია მაქსიმუმ 65 პროცენტამდე.
• კერძო ავტომობილებით გადაადგილება შეეძლება მაქსიმუმ სამ ადამიანს, მძღოლის ჩათვლით (გამონაკლისს წარმოადგენენ ბავშვები და ავადმყოფები, რომლებსაც დახმარება ესაჭიროებათ).
• საცალო ვაჭრობის მაღაზიები იმუშავებენ მხოლოდ დისტანციურად, ინტერნეტ-შეკვეთებით (e-shop).
• სუპერმარკეტებსა და საკვები პროდუქტების მაღაზიებს უფლება აქვთ სამუშაო დღეებში დილის 7 საათიდან საღამოს ცხრის ნახევრამდე იმუშაონ, შაბათს კი – საღამოს ექვსის ნახევრამდე.
• კვირას იმუშავებენ მხოლოდ საცხობები და საკონდიტრო ნაწარმის მაღაზიები – საღამოს ექვსის ნახევრამდე.
• დაკეტილი იქნება ესთეტიკის ცენტრები, წიგნის მაღაზიები და რესტორნები.

გიორგი ჯანელიძე