fbpx
მოგზაურობამსოფლიო

გაერთიანებული სამეფო ორშაბათიდან ყველა „სამოგზაურო დერეფანს“ კეტავს

გაერთიანებული სამეფო ორშაბათიდან, 18 იანვრიდან ყველა „სამოგზაურო დერეფანს“ კეტავს, რაც იმას ნიშნავს, რომ ქვეყანაში ჩასული ნებისმიერი მგზავრი ვალდებული იქნება კორონავირუსზე ჩატარებული ტესტის უარყოფითი პასუხი წარადგინოს, – შესაბამისი განცხადება გაერთიანებული სამეფოს პრემიერ-მინისტრმა ბორის ჯონსონმა გააკეთა.

ამასთან, ყველა პირს 10-დღიანი კარანტინის გავლა მოუწევს იმ შემთხვევაში, თუ 5 დღის შემდეგ ხელახლა აღებული ტესტის უარყოფით პასუხს არ წარადგენენ. ბორის ჯონსონის განმარტებით, აღნიშნული გადაწყვეტილება კორონავირუსის ახალი შტამებისგან ქვეყნის დაცვაა.

„არსებობს საზღვარგარეთის ქვეყნებიდან ახალი შტამების შემოსვლის რისკი, ქვეყნის ამ შტამებისგან დასაცავად დამატებითი ნაბიჯები უნდა გადავდგათ“, – განაცხადა ჯონსონმა.

მისი განმარტებით, ახალი შეზღუდვები ძალაში 18 იანვრიდან შევა და 15 თებერვლამდე გაგრძელდება.

პანდემიის დაწყებიდან დღემდე დიდ ბრიტანეთში ვირუსის სამ მილიონზე მეტი შემთხვევაა დაფიქსირებული, მათ შორის, პანდემიამ 88 ათასზე მეტი პაციენტის სიცოცხლე იმსხვერპლა.

mediamall.ge
კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close