fbpx
მედიცინასაზოგადოება

რომის პაპმა კორონავირუსის საწინააღმდეგო აცრა გაიკეთა – არგენტინული მედია

ვატიკანი კომენტარს არ აკეთებს

პაპ ფრანცისკეს Covid-19-ის საწინააღმდეგო აცრა გაუკეთეს. „ანსას“ ცნობით, ამის შესახებ არგენტინული პრესა იუწყება. წმინდა საყდარი კი მხოლოდ იმის დადასტურებით შემოიფარგლა, რომ ვატიკანში ვაქცინაცია დღეს დილით დაიწყო, სხვა დეტალები არ დაუკონკრეტებიათ.

ეს ინფორმაცია ბუენოს-აირესის გაზეთმა La Nacion-მა გაავრცელა, რომლის კორესპონდენტი რომში ელიზაბეტა პიკე, „ვატიკანის წყაროებზე“ დაყრდნობით, აცხადებს, რომ პაპმა დღეს მიიღო კორონავირუსის საწინააღმდეგო ვაქცინის პირველი დოზა პავლე VI-ის დარბაზის ატრიუმის სექტორში, რომელიც სპეციალურად ვაქცინაციისთვის მოეწყო.

ვატიკანის ჯანდაცვის და ჰიგიენის სამმართველომ ვაქცინაციის კამპანია დღეიდან დაიწყო სახელმწიფოს შიგნით, Pfizer-ის და BioNTech-ის ვაქცინის პირველი პარტიის მიღების შემდეგ. ამრიგად, პონტიფიკოსმა დღეს ვაქცინის პირველი დოზა გაიკეთა და, იმავე წყაროების ცნობით, 21 დღის შემდეგ მეორე დოზას მიიღებს.

როგორც ცნობილია, „ფაიზერის“ ვაქცინა 2 დოზად კეთდება, 3-კვირიანი შუალედით, ვირუსის წინააღმდეგ იმუნიტეტი კი მეორე დოზის მიღებიდან რამდენიმე დღეში გამომუშავდება.

ნინო ხოშტარია

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close