fbpx
ხელოვნებასაქართველო

ნოვოსიბირსკის ოპერისა და ბალეტის თეატრი ნინო ანანიაშვილთან კონტრაქტს აჩერებს

რა გახდა თეატრის ხელმძღვანელობის უკმაყოფილების მიზეზი?

ნოვოსიბირსკის ოპერისა და ბალეტის თეატრი ნინო ანანიაშვილის საბალეტო დასის ხელმძღვანელად დანიშვნასთან დაკავშირებით გავრცელებულ ინფორმაციაზე განცხადებას ავრცელებს.

„მედიაში გამოქვეყნდა ინფორმაცია იმის შესახებ, რომ ნინო ანანიაშვილი მოწვეულია ნოვოსიბირსკის ოპერისა და ბალეტის თეატრის საბალეტო დასის ხელმძღვანელად. თეატრის ხელმძღვანელობა მიიჩნევს, რომ ხელმძღვანელის სახელის გასაჯაროება, კოლექტივისთვის მის ოფიციალურად წარდგენამდე, დასის არტისტებისადმი უპატივცემულობის უკიდურესი დონეა. ამიტომ იძულებული ვართ, შევაჩეროთ არტისტთან დადებული კონტრაქტის მოქმედება, საჯარო სივრცეში აღნიშნული ინფორმაციის გავრცელების ყველა გარემოების გარკვევამდე.

საბოლოო გადაწყვეტილება მიღებული იქნება იანვრის შუა რიცხვებში ნოვოსიბირსკის ოპერისა და ბალეტის თეატრის სამხატვრო ხელმძღვანელ ვლადიმირ კეხმანის ნინო ანანიაშვილთან შეხვედრის შედეგების მიხედვით“, – ნათქვამია თეატრის მიერ გავრცელებულ განცხადებაში.

ქართველმა პრიმა ბალერინა ნინო ანანიაშვილმა რამდენიმე დღის წინ „რადიო თავისუფლებას“ განუცხადა, რომ ნოვოსიბირსკის თეატრის საბალეტო დასს უხელმძღვანელებს.

1tv.ge

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close