fbpx
მოგზაურობაქართველები უცხოეთში

სპეციალური ავიარეისი თბილისი-ბუდაპეშტი-თბილისი 8 სექტემბერს შესრულდება

სამოქალაქო ავიაციის სააგენტოს ცნობით, თბილისი-ბუდაპეშტი-თბილისის მიმართულებით სპეციალური ავიარეისი 8 სექტემბერს შესრულდება. ქართველი სტუდენტების უნგრეთში გამგზავრების და საქართველოს მოქალაქეების სამშობლოში დაბრუნების მიზნით, საქართველოს მთავრობის ხელშეწყობით, რეისს ავიაკომპანია Myway Airlines-ი შემდეგი განრიგით შეასრულებს:

8 სექტემბერი, თბილისი-ბუდაპეშტი-თბილისი (გაფრენა 12:00, მოფრენა 19:30)

სპეციალური რეისის მიზანია ქართველი სტუდენტების ჩაყვანა უნგრეთში ან, უნგრეთის გავლით, ევროპის სხვა ქვეყნებში, სადაც ისინი სწავლობენ. რაც შეეხება ბუდაპეშტი-თბილისის მიმართულებას, საქართველოს მოქალაქეებისთვის ბილეთების შეძენა ავიაკომპანია Myway Airlines-ის ვებგვერდზეა შესაძლებელი.

საქართველოს მთავრობის მიერ დადგენილი სუბსიდირებული ბილეთების ფასი 200 ევროზე მეტი არ იქნება. ავიარეისი Boeing B737-800 ტიპის საჰაერო ხომალდით შესრულდება.

სტუდენტებისთვის ბუდაპეშტის მიმართულებით კიდევ ერთი ავიარეისი დანიშვნის შესახებ პრემიერ-მინისტრმა გიორგი გახარიამ 27 აგვისტოს განაცხადა.

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close