მსოფლიომედიცინა

ტაილანდში კორონავირუსის დადგენის ახალი ტესტი შეიმუშავეს – შედეგი 30 წუთში

„ტაილანდელმა მეცნიერებმა შეიმუშავეს ახალი ექსპრესტესტი ახლი ტიპის კორონავირუსით – SARS-CoV2-ით ინფიცირების გამოსავლენად და მომავალ თვეში კლინიკური გამოკვლევების დაწყებას აპირებენ“, – წერს Bangkok Post-ი.

ვიდიასირიმედის მეცნიერებისა და ტექნოლოგიის ინსტიტუტი (Vidyasirimedhi Institute of Science and Technology/VISTEC), სადაც ამ კვლევას აწარმოებდნენ, იუწყება, რომ ახალი ტესტი შედეგებს 30-45 წუთში იძლევა (შეგახსენებთ, რომ დღეისათვის კორონავირუსის დასადგენ ყველაზე სწრაფ ტესტს  4-6 საათი სჭირდება).

მოსალოდნელია, რომ ყოველდღიურად 4 ათასამდე ტესტის შედეგების დადგენა იქნება შესაძლებელი და თითოეული მათგანი დაახლოებით 15 დოლარი ეღირება. ეს იქნება ძალიან დიდი ნახტომი, რადგანაც ამჟამად კორონავირუსთან ბრძოლის ერთ-ერთი ყველაზე ეფექტიანი ხერხი, რომლითაც ჩინეთმა ამ ეტაპზე ეს დაავადება დაამარცხა, არის „ტესტირება, ტესტირება, ტესტირება!“, რომლის მიზანია უსიმპტომო პაციენტების გამოვლენა დაავადების ფართოდ გავრცელების თავიდან ასაცილებლად.

  • კორონავირუსის ვაქცინის შესაქმნელად, სხვა ორგანიზაციების პარალელურად, გერმანული ბიოტექნოლოგიური კომპანია CureVac მუშაობს. ევროკომისიის პრეზიდენტი ურსულა ფონ დერ ლაინი პროგნოზირებს, რომ ვაქცინა გამოსაყენებლად შემოდგომაზე იქნება მზად.
  • რობერტ კოხის ინსტიტუტში (გერმანია) განაცხადეს, რომ მსოფლიოში კოროვირუსული პანდემია შეიძლება ორი წლის განმავლობაში გაგრძელდეს, თუმცა ეს დამოკიდებული იქნება ვაქცინის შემუშავების სიჩქარეზე.

ინტერნეტმასალების მიხედვით მოამზადა თამარ ქავჟარაძემ

კომენტარები

Tags

Related Articles

Leave a Reply

Your email address will not be published. Required fields are marked *

Back to top button
გაზიარება
Close