fbpx
კანონი

ცვლილება რანდევუს ჩანიშვნის წესში

პოსტში შევეცდები დეტალურად აგიხსნათ ის ნეგატიური ცვლილება, რომელიც ამ განცხადებაშია. შესაბამისად, გთხოვთ პოსტი გულდასმით წაიკითხოთ.

როგორც იცით, ატიკის ნახევარკუნძული, საბუთების გაკეთების თვალსაზრისით, დაყოფილია 4 ნაწილად: პალინი, პირეა, ათენის Α და ათენის Β. შესაბამისად, საბუთების ჩაბარება ხდება იმის მიხედვით, თუ რომელ ადმინისტრაციულ ერთეულში გაქვთ საცხოვრებელი.

ეს განცხადება ეხება მხოლოდ ათენის Β უწყებას. ამ განცხადების მიხედვით, იმისათვის, რომ დანიშნოთ რანდევუ (ჩაბარების თარიღი) ათენის Β-ში, აუცილებელია წინასწარ წარადგინოთ საბუთი, რომელიც თქვენი საბერძნეთში 7 წლის წინ ყოფნას დაადასტურებს. პრაქტიკულად, ეს ნიშნავს იმას, რომ თუ ადრე, ამ უწყების შემთხვევაში, შესაძლებელი იყო, რომ 7 წლის შესრულების გარეშეც მოგვეთხოვა რანდევუ, და შესაბამისად, მოგვეგო მნიშვნელოვანი დრო (დაახლ. 1 წელი), ახლა უკვე ჯერ უნდა შეასრულოთ 7 წელი და მერე მოვითხოვოთ, დაგვინიშნონ ჩაბარების თარიღი. ასე გამოდის, რომ მინიმუმ 1 წელი იკარგება, რადგან ათენის Β-ში, რანდევუს დანიშვნას სწორედ ამდენი დრო სჭირდება.

ალბათ გეცოდინებათ, რომ ჩამოთვლილი 4 უწყებიდან, განსაკუთრებით პალინს ყველაზე მეტი ხარვეზი აქვს. პირეასაც ძალიან დიდი პრობლემა აქვს, როგორც რანდევუს დანიშვნის ისე საქმის გონივრულ დროში დამუშავების თვალსაზრისით. ათენის Α-ს ძირითადი პრობლემა ისაა, რომ რანდევუ ინიშნება ძალიან დიდი ხნის შემდეგ (დაახლ. წელიწად-ნახევრის შემდეგ). ამ ყველაფრის გათვალისწინებით, ათენის Β სხვებზე უკეთესად მუშაობდა, მაგრამ როგორც ჩანს, ამ უწყების შემთხვევაშიც სიტუაცია უარესდება.

ამ განცხადების მიხედვით, ცვლილება ძალაშია 3 მარტიდან. შესაბამისად, ჩემი რჩევა იქნება, რომ ვინც ეკუთვნით ამ უწყებას და უკვე ადასტურებთ თითქმის 6 წელიწადს, მიმართოთ ან ამ უწყებას ან ადვოკატს, რომ 3 მარტამდე ჩანიშნოთ რანდევუ.

3 მარტის შემდეგ, ისინი ვინც მაგ., ადასტურებთ 6 წელს, მოგიხდებათ, რომ დაიცადოთ კიდევ ერთი წელი და მერე დანიშნოთ რანდევუ. თავად რანდევუ კი დაინიშნება დაახლ. 1 წლის შემდეგ. ანუ გამოდის, რომ ამ ცვლილების შემდეგ, როცა ჩააბარებთ საბუთებს, უკვე შესრულებული გექნებათ საბერძნეთში ცხოვრების არა 7, არამედ 8 წელი.

ზოგადად, ეს კანონი, რომლის მიხედვითაც გაქვთ უფლება, სრულიად არალეგალურად მცხოვრებ ადამიანებს, გააკეთოთ ბინადრობის უფლება (ადია დიამონი) მხოლოდ იმის საფუძველზე, რომ ადასტურებთ ქვეყანაში ცხოვრების 7 წელს, არის ლეგალიზაციის უნიკალური შანსი, რომლის ანალოგიც სხვა ევროპულ ქვეყნებში რთულად თუ მოიძებნება.

ჩემი გულითადი რჩევა ყოველთვის იყო, რომ გამოიყენოთ ეს შანსი და იცხოვროთ ქვეყანაში კანონიერად.

პაატა სიმსივე, ადვოკატი

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close