იტალიასაზოგადოება
ჩინელ წყვილს იტალიაში ახალი ვირუსი არ დაუდგინდა
საკრუიზო ლაინერ „კოსტა სმერალდას“ 2 ჰონკონგელ მგზავრს ახალი კორონავირუსით დაავადება არ დაუდასტურდა – ანალიზები რომში გაიგზავნა და ტესტის პასუხები უარყოფითი აღმოჩნდა. ამის თაობაზე სააგენტო ANSA იუწყება რომის ინფექციური დაავადებების ნაციონალური ინსტიტუტის – „სპალანცანის“ მონაცემებზე დაყრდნობით.
შეგახსნებთ, რომ ვირუსზე ეჭვის გამო ჰონკონგელი წყვილი იზოლირებულად მოათავსეს გემის ჰოსპიტალში. ქალს გრიპის სიმპტომები გამოუვლინდა.
ამის გამო ჩივიტავეკიის პორტში მდგარი საკრუიზო ლაინერიდან 6000-მდე მგზავრს ჩამოსვლის უფლება არ მისცეს ტესტის ანალიზის პასუხის გაგებამდე.
ნინო ხოშტარია
კომენტარები