თურქეთში ძლიერი მიწისძვრის შედეგად, სულ მცირე, ექვსი ადამიანი დაიღუპა (ვიდეო)
თურქეთში ძლიერი მიწისძვრის შედეგად, სულ მცირე, 6 ადამიანი დაიღუპა. თავდაპირველად 4 დაღუპულის შესახებ გავრცელდა ინფორმაცია. ამის შესახებ ადგილობრივი მედია თურქეთის შსს-ზე დაყრდნობით წერს.
დაშავებულთა რიცხვი მხოლოდ ქალაქ ელაზიღში 225-ს აღწევს. მათგან ორის ჯანმრთელობის მდგომარეობა კრიტიკულია.
მიწისძვრის შედეგად დაზიანდა 100-მდე შენობა.
როგორც საქართველოს პირველ არხს საქართველოს საგარეო საქმეთა სამინისტროში განუცხადეს, მათ გარდაცვლილებსა და დაშავებულებს შორის საქართველოს მოქალაქეების შესახებ ინფორმაცია ამ ეტაპისთვის არ მიუღიათ.
თურქეთის აღმოსავლეთ ნაწილში 6,7-იდან 6,9-მდე მაგნიტუდის მიწისძვრა 24 იანვარს საღამოს მოხდა. ეპიცენტრი ქალაქ სირვიჯეში მდებარეობდა.
აშშ-ის სეისმოლოგიური ცენტრის მონაცემებით, მიწისძვრა იგრძნობოდა სირიაში, საქართველოსა და სომხეთში, აგრეთვე, კვიპროსზე, ლიბანსა და ისრაელშიც.
WATCH: Strong earthquake in eastern Turkey causes several buildings to collapse; no word on casualties pic.twitter.com/v1UGZIhTFN
— BNO News (@BNONews) January 24, 2020
წყარო: 1tv.ge
კომენტარები