იტალიელმა დიეტოლოგებმა ხანგრძლივი სიცოცხლის საიდუმლო გაამხილეს

იტალიელმა დიეტოლოგებმა იტალიელების ხანგრძლივი სიცოცხლის საიდუმლო გაამხილეს. როგორც გაირკვა, იტალიელების კვების რაციონი მდიდარია ცილებით, ფოლიუმის მჟავათი, ანტიოქსიდანტებით და ვიტამინებით A და E. ამის შესახებ ინფორმაციას LECCO NOTIZIE ავრცელებს. 

დიეტოლოგები ყველას, ვისაც სურს, რომ საკუთარ ორგანიზმს ახალგაზრდობა შეუნარჩუნოს, ურჩევენ, კვების რაციონში აქტიურად ჩართონ რძის პროდუქტები, სალათის ფურცლები, მწვანილი და დილით – გრეიპფრუტის წვენი.

დილით წითელი გრეიპფრუტის წვენი და ერთი მუჭა თხილი ორგანიზმს C ვიტამინით, Omega 3-ით, კალცით, ანტიოქსიდანტებით და მინერალური მარილებით ავსებს. ასევე, დიეტოლოგების რჩევაა კვების რაციონში ადამიანის ერთ კილოგრამზე 1.1 გრამი ცილის ჩართვა. ეს ადამიანს საშუალებას მისცემს, რომ საკმარისი კუნთოვანი მასა შეინარჩუნოს.

იტალია სიცოცხლის ხანგრძლივობით ერთ-ერთ მოწინავე ადგილზეა – კაცები აქ საშუალოდ 81 წელი ცოცხლობენ, ქალები კი 85 წელი.

imedinews.ge

კომენტარები