გერმანიაში ქვეყნის გაერთიანების დღეს აღნიშნავენ

03/10/2019

72 Less than a minute

ბერლინის მაცხოვრებლები კედლის დანგრევას ზეიმობენ. 10 ნოემბერი, 1989 წელი, „როიტერის“ ფოტო

დღეს გერმანიაში ქვეყნის გაერთიანების დღეს აღნიშნავენ. საზეიმო ღონისძიებები ბერლინის ყველაზე ცნობილ ქუჩებზე გაიმართება. გერმანიაში „ერთიანობის დღე“ ეროვნული დღესასწაულია. 1990 წლის 3 ოქტომბერს ყოფილი გერმანიის დემოკრატიული რესპუბლიკის ხუთი მიწა ფორმალურად გერმანიის ფედერალურ რესპუბლიკაში გაერთიანდა.

დღეს დაგეგმილ საზეიმო ღონისძიებებში გერმანიის ხელისუფლების უმაღლესი თანამდებობის პირები მიიღებენ მონაწილეობას, მათ შორის, პრეზიდენტი ფრანკ-ვალტერ შტაინმაიერი და კანცლერი ანგელა მერკელი.

გერმანიის გაერთიანების დღის აღნიშვნა თავდაპირველად 9 ნოემბერს იგეგმებოდა – სწორედ ამ რიცხვში დაანგრიეს ბერლინის კედელი 1989 წელს, თუმცა 9 ნოემბერი ნაცისტების მიერ ებრაელების წინააღმდეგ განხორციელებული მასშტაბური დარბევის თარიღსაც ემთხვეოდა, რის გამოც გადაწყდა გერმანიის ერთიანობის დღის 3 ოქტომბერს აღნიშვნა.