იტალიაში ქურდობის ფაქტზე საქართველოს მოქალაქე დააკავეს

იტალიის ქალაქ ბარის პოლიციამ საქართველოს მოქალაქე დააკავა ქურდობის ბრალდებით. ინფორმაციას ადგილობრივი მედია ავრცელებს.

baritoday.it, სამართალდამცველთა ინფორმაციაზე დაყრდნობით, წერს, რომ მამაკაცმა ერთ-ერთ ბარში შესულ ორ ტურისტს საფულე მოპარა, როდესაც ისინი მაგიდასთან ისხდნენ. პოლიციამ მისი დაკავება ცხელ კვალზე შეძლო.

ჩხრეკის დროს საქართველოს მოქალაქეს ბინების გაქურდვისთვის საჭირო ხელსაწყოები უპოვეს. მომხდართან დაკავშირებით გამოძიება გრძელდება. მამაკაცი წინასწარი დაკავების იზოლატორში გადაიყვანეს, მოპარული საფულე კი კანონიერ მფლობელებს დაუბრუნეს.

კომენტარები