fbpx
მსოფლიოკრიმინალი

პრესტიჟული ფრანგული რესტორნიდან ‎600 ათასი ევროს ღირებულების ღვინო მოიპარეს

საფრანგეთის დედაქალაქ პარიზში პრესტიჟული რესტორნის სარდაფიდან, სულ ცოტა, 150 ბოთლი ძვირადღირებული ღვინო მოიპარეს.

ფრანგული გამოცემა Le Figaro-ს ინფორმაციით, 2-ვარსკვლავიანი რესტორნის საწყობიდან მოპარული სასმლის ღირებულება მთლიანობაში 400 000-იდან 600 000 ევრომდეა.

პოლიციამ პარიზის მე-19 რაიონში, ტრიუმფალური თაღის სიახლოვეს მდებარე რესტორან Maison Rostang-ის სარდაფში 50 სმ-ის დიამეტრის ხვრელი აღმოაჩინა: ქურდებმა სწორედ ამ ხვრელის მეშვეობით შეაღწიეს მასში და პროდუქცია გაიტანეს – ღვინოები Petrus-ის და Romanée Conti-ს ზვრებიდან, რომლებიც მსოფლიოში ერთ-ერთი ყველაზე ძვირადღირებულია.

ძვირფას სასმელს პირადი კოლექციებიდან თუ რესტორნებიდან საფრანგეთში საკმაოდ ხშირად იპარავენ. 2017 წელს პარიზის ერთ-ერთი ლუქს-ბუტიკიდან 700 ათასი ევროს ღირებულების 69 ბოთლი ვისკი მოიპარეს.

კომენტარები
თეგები

მსგავსი სიახლეები

Leave a Reply

Your email address will not be published. Required fields are marked *

Back to top button
გაზიარება
Close