ჰოროსკოპი

წარმატების ჰოროსკოპი ზოდიაქოს ნიშნებისთვის: საქმიანობის რომელ სფეროში გაქვთ წარმატების მიღწევის შანსი?

თუ ჯერ კიდევ არ გადაგიწყვეტიათ, ვინ გინდათ გახდეთ, ეს ჰოროსკოპი დაგეხმარებათ! სინამდვილეში არასდროს არაა გვიან პროფესიის შეცვლა ან ჰობის წარმატებულ საქმიანობად გადაქცევა, მთავარია ყური უგდოთ ვარსკვლავებს!
ვერძი

ვერძები ძლიერი ადამიანები არიან, რომლებსაც შეუძლიათ ხელმძღვანელობა, ადამიანების გაძღოლა და საზოგადოებრივი აზრის მართვა. მათთვის ძნელია იერარქიის შუალედურ ან ქვედა რგოლზე არსებულ რაიმე ჩვეულებრივ თანამდებობაზე ყოფნა. ვერძი ცუდი შემსრულებელია, ის ვერ იტანს რუტინულ საქმიანობას და მკაფიოდ გაწერილ ვალდებულებებს. თუ ამ ზოდიაქოს წარმომადგენელს სურს წარმატებას მიაღწიოს, მაშინ ის წამყვანი თანამდებობის დაკავებას უნდა ეცადოს, თუნდაც რომელიმე პატარა ორგანიზაციაში. იმის გათვალისწინებით, რომ ასეთ ადგილზე ერთბაშად მოხვედრა ადვილი არაა, არსებობს საინტერესო ალტერნატივა: იმ ვერძებმა, რომლებსაც ცხოვრებაში წარმატების მიღწევა სურთ, ყოველთვის დამოუკიდებლად უნდა მისცენ გარშემომყოფებს ცხოვრების ტონი და ტემპი. დამოუკიდებლობის მოსაპოვებლად (რომლისკენაც ამ ზოდიაქოს წარმომადგენლები ისწრაფვიან) კარგი იქნება, თუ ისინი საკუთარი საქმიანობის წამოწყებაზე დაფიქრდებიან, სადაც თავად შეძლებენ თავიანთი წესების დაწესებას. ვერძები წარმატებას ხშირად აღწევენ თავიანთი ჰობის სფეროში.

კურო

კუროებს შეუძლიათ სხვადასხვა სფეროში მიაღწიონ წარმატებას. ისინი შრომისმოყვარეები და მუყაითები არიან, რისი წყალობითაც საკმაოდ კარგი მიღწევები აქვთ. ამისათვის ერთადერთი პირობა ისაა, რომ კუროს საკუთარი საქმე უნდა უყვარდეს. თუ თქვენს გარემოცვაში წარმატებული კუროს პოვნა გსურთ, დიდი ალბათობით, მას იმ ადამიანთა შორის აღმოაჩენთ, რომელთა პროფესია დაკავშირებულია კომფორტთან, სახლთან ან მომსახურების სფეროსთან. კუროები იმ დარგების საუკეთესო სპეციალისტები არიან, სადაც საჭიროა მოთმინება და გულმოდგინება. ისინი იშვიათად ისწრაფვიან დიდების ან აღიარებისკენ და მაღალანაზღაურებადი სამუშაო მუდმივი შემოსავლით მათთვის უკვე წარმოადგენს ცხოვრებაში წარმატების მაჩვენებელს. აგრეთვე, უნდა აღინიშნოს, რომ კუროები ხშირად გამოირჩევიან მშვენიერების აღქმის განსაკუთრებული უნარით, შესაბამისად, მათ შორის ხშირად შეხვდებით დიზაინერებს, ფოტოგრაფებსა და ფოტომოდელებს.

ტყუპი

ტყუპები მყუდროდ იქ გრძნობენ თავს, სადაც ურთიერთობის ხელოვნების გამოვლენაა საჭირო. მათთვის წარმატების ერთ-ერთი ძირითადი შემადგენელი არის ამ მოთხოვნილების დაკმაყოფილება და მის ხარჯზე გამომუშავების შესაძლებლობა. პრაქტიკულად, არ არსებობს ამ ზოდიაქოს ერთი წარმომადგენელიც კი, რომელიც თავისი ცხოვრების პირველ ნახევარში გიპასუხებდათ, რა საქმიანობა სურს. ის ბევრს ითხოვს, ეძებს საკუთარ თავსა და თავის მოწოდებას. ეს ცდისა და შეცდომების გრძელი გზაა, ხოლო საბოლოოდ კი სრულიად მოულოდნელი კარიერა შეიძლება აირჩიოს. ტყუპები გვხდებიან ფსიქოლოგებს, მსახიობებს და ჟურნალისტებს შორის. იმის გათვალისწინებით, თუ რამდენად უყვართ ადამიანებთან ურთიერთობა, ტყუპებს შეუძლიათ ცხოვრებისგან კმაყოფილების მიღება მასწავლებლის პროფესიის დაუფლებით. მათ უყვართ დარწმუნება, ადამიანის შეხედულებებში ცვლილებებისთვის თვალის დევნება, ამიტომ ამ ზოდიაქოს ყოველ წარმომადგენელს დიდი პოტენციალი აქვს გაყიდვების სფეროში, სადაც საჭიროა კლიენტისთვის იმის შთაგონება, რომ ესა თუ ის საქონელი მას ნამდვილად ესაჭიროება.

კირჩხიბი

კირჩხიბის ცხოვრებისეული გზა ხშირად არის სავსე დიდი იმედგაცრუებებით, რაც იმითაა გამოწვეული, რომ ამ ზოდიაქოს წარმომადგენლები საკუთარ თავს ხშირად უსახავენ აუსრულებელ მიზნებს, ოცნებობენ რომელიმე არარსებულ საქმიანობაზე ან შემოსავლის მიღების ისეთ ფორმებზე, რომლებიც პოტენციურად არ ხელეწიფებათ. როგორც წესი, ამ ოცნებებს რეალობასთან საერთო ცოტა აქვთ და ის კირჩხიბი კი, რომელიც ოცნებობს საარსებო საშუალება პოპულარულ როკ-ჯგუფში კლავიშებიან ინსტრუმენტებზე დაკვრით მოიპოვოს, სინამდვილეში შორსაა მუსიკისგან და, საერთოდაც, სცენაზე თავს მაინცდამაინც კომფორტულად ვერ გრძნობს.

კირჩხიბების პოტენციური შესაძლებლობები საკმაოდ ფართოა და ისინი ხშირად იცვლება ადამიანის პირადი მიდრეკილებების მიხედვით, თუმცა განმსაზღვრელი მნიშვნელობა აქვს ერთ საერთო მახასიათებელს – ყველა კირჩხიბი წარმატებას იმ სფეროებში აღწევს, სადაც ისინი სხვა ადამიანებს უნდა დაეხმარონ. ისინი არიან კარგი მრჩევლები, ამიტომ ხდებიან ვიწრო სპეციალიზაციის მოთხოვნადი პროფესიონალები, მაგალითად, ფსიქოლოგები ან სხვადასხვა სახის შემფასებლები: ანტიკვარიატის სპეციალისტები, რიელტორები და ა. შ. უდავოა, რომ კირჩხიბებს შეუძლიათ გახდნენ სამედიცინო და სოციალური სფეროების ჩინებული მუშაკები, თუმცა მათი მგრძნობიარე ბუნებისთვის ყველანაირი საექიმო სპეციალიზაცია როდია შესაფერისი.

ლომი

ლომები ერთობ უკმაყოფილოები არიან ცხოვრებით, თუ იქ არ არიან, სადაც უნდა იყვნენ. ისინი ვერ ეგუებიან საქმეებს, რომლებიც სწორად არ მიდის და ეს მათ ყოველთვის შეაწუხებთ იქამდე, სანამ საბოლოოდ თავიანთი საქმიანობის მთავარ მიმართულებას არ აირჩევენ. ხშირად ლომისთვის პროფესიის არჩევისას გადამწყვეტ კრიტერიუმს წარმოადგენს ადამიანების მართვის შესაძლებლობა. რიგითი ხელმძღვანელი პირის ლომისგან გარჩევა საკმაოდ ადვილია: თუ შეგხვდათ მმართველი, რომელიც დავალებებს მეფური მანერებით გასცემს და რომელსაც ნამდვილად შეუძლია ხელქვეითების საქმიანობის ეფექტიანად ორგანიზება, ეს აუცილებლად ლომი იქნება. ამ ზოდიაქოს წარმომადგენლები ბუნებით ლიდერები არიან და ამიტომ ხელმძღვანელ თანამდებობაზე ყოფნა მათი სტიქიაა. ამას გარდა, ისინი საჭიროებენ ყურადღების ცენტრში ყოფნას, ამიტომ მათ შორის ბევრ წარმატებულ მსახიობს შეხვდებით. ლომების ცხოვრებაში კიდევ ერთ მნიშვნელოვან ფასეულობას წარმოადგენს სილამაზე, ასე რომ, ეს ნიშანი პოპულარულია ფოტომოდელებს შორის. მთლიანობაში, ნებისმიერი ლომი შეძლებს თავისი მოწოდების პოვნას, თუ პროფესიას შემდეგი ორი პირობის გათვალისწინებით აირჩევს: ლიდერობა და სილამაზე.

ქალწული

ქალწულები წარმატებას საქმიანობის იმ სფეროში აღწევენ, რომლის მიმართაც აქვთ მიდრეკილება: სხვების მიერ დაშვებული შეცდომების გამოვლენა და გამოსწორება. სხვადასხვა უზუსტობის მიმართ შეუწყნარებელი ქალწულები შესანიშნავი მასწავლებლები ხდებიან. ისინი წარმატებულები იქნებიან კორექტორისა და რედაქტორის პროფესიაში. ამას გარდა, ქალწულები კარგი კრიტიკოსები არიან, იმის მიუხედავად, რის განხილვას აპირებენ. აგრეთვე, ქალწულები კარგად ავლენენ საკუთარ თავს სხვადასხვა სარესტავრაციო სამუშაოში – მაგალითად, შეიძლება დაკავდნენ დროთა განმავლობაში დაზიანებული მხატვრული ტილოების აღდგენით.

ქალწულებს წარმატების მიღწევა, აგრეთვე, შეუძლიათ ხელმძღვანელი პირების კონსულტანტისა და მრჩევლის რანგში. მათ არ ახასიათებთ ყურადღების ცენტრში ყოფნა, თუმცა შეუძლიათ თავიანთი ცოდნითა და გულწრფელი ობიექტური შეფასებით მნიშვნელოვანი სარგებელი მოუტანონ სხვა ადამიანებს მათ საქმიანობაში. სხვათა შორის, პლანეტის ყველაზე მდიდარ და წარმატებულ ადამიანებს შორის ამ ზოდიაქოს ბევრი წარმომადგენელია!

სასწორი

ჰარმონიისა და მსოფლიოში ბალანსის დამყარებისადმი მიდრეკილების წყალობით, სასწორები ისეთი პროფესიებისკენ მიისწრაფვიან, რომლებიც ნატიფ შეგრძნებებსა და დიპლომატიასთან არის დაკავშირებული. ამ ზოდიაქოს იმ წარმომადგენლებს შორის, რომლებმაც ცხოვრებაში საკუთარი გზა მონახეს, ხელოვნების (ამ სიტყვის ყველაზე მაღალი გაგებით) სფეროს ბევრი წარმომადგენელია. სასწორების ამოცნობა ადვილად შეიძლება ნებისმიერ საქმეში მათი დახვეწილი ხელწერით. ძალიან ფართოა იმ დარგების ჩამონათვალი, რომლებშიც ისინი შეიძლება წარმატებულები იყვნენ: ფოტოხელოვნებიდან დაწყებული, ადვოკატის პროფესიამდე. არაჩვეულებრივი მოსაუბრეები, ისინი ადვილად აღწევენ წარმატებას ჰუმანიტარულ დარგებში. ტაქტის გრძნობა, წინდახედულება, სიზუსტე მათ მშვენიერებასთან დაკავშირებული პროფესიების არჩევის შესაძლებლობას აძლევს. სასწორებისთვის შესაფერისია ვიზაჟისტის, კოსმეტოლოგისა და სტილისტის პროფესიებიც. სასწორებს ყველა შანსი აქვთ, ზემოაღნიშნული სფეროებიდან ნებისმიერში პირველხარისხოვანი სპეციალისტები გახდნენ.

მორიელი

მორიელებს ესაჭიროებათ, რომ საკუთარ თავთან გულწრფელები იყვნენ. მათი ცხოვრებისეული გზა გამორჩეულია და ის გარშემომყოფების გაკვირვებას იწვევს. ამ ზოდიაქოს წარმომადგენლები ხანდახან ისეთ ექსტრავაგანტურ პროფესიებს ირჩევენ, რომელთა შესახებაც ბევრ ადამიანს საერთოდ არაფერი სმენია. ამაში ცუდი არაფერია, ასეთია მორიელების ცხოვრებისეული კრედო და მხოლოდ ამ კრედოს ერთგულების შემთხვევაში განიცდიან ისინი თავიანთი საქმიანობით კმაყოფილებას.

თუ გსურთ ყველაზე უჩვეულო პროფესიების ნუსხა შეადგინოთ, ჰკითხეთ მორიელებს მათი ჰობის, გატაცების, ოცნების სამუშაოს შესახებ – გამოკითხვის შედეგები არა მხოლოდ გაგაკვირვებთ, საგონებელშიც ჩაგაგდებთ. ამაშია ზოდიაქოს ამ ნიშნის მთელი არსი: მათ ისეთი მიდრეკილებები აქვთ, რომლებიც ბევრს უცნაურად მიაჩნია. სწორედ ამის გამოა, რომ შეუძლებელია თუნდაც მიახლოებით იმ სფეროების დახასიათება, რომლებითაც შეიძლება ყველა მორიელი დაინტერესდეს. უბრალოდ, საჭიროა მათ არავის უგდონ ყური და ის საქმე აკეთოთ, რომლისკენაც გული მიუწევთ.

მშვილდოსანი

მშვილდოსნები ნოვატორებისა და ლიდერების ნიშანია. მათ უყვართ რაიმე ახლის შექმნა, რაც შემდგომში ამ საქმის გამგრძელებელთათვის შუქურად გადაიქცევა. იმის გათვალისწინებით, რომ მშვილდოსანი ძალიან ამბიციური ნიშანია, მის გეგმებში, როგორც წესი, შედის „ხელოვნების ახალი მიმართულების შექმნა“, „ეზოთერიკაზე ახალი შეხედულების ფორმირება“ და ა. შ. თუ ამ ზოდიაქოს წარმომადგენელს ასეთი მიდრეკილება აქვს, ჯობია გაჰყვეს, რადგან ვინ, თუ არა მისწრაფებებით აღსავსე ადამიანი, შეძლებს ჩვენი გარემომცველი სამყაროს უკეთესობისკენ შეცვლას?

ჰკითხეთ თქვენს ნაცნობ მშვილდოსნებს, რისი გაკეთება სურთ და გაგიკვირდებათ, როცა აღმოაჩენთ, თუ რამდენი გრანდიოზული გეგმა აქვთ დასახული. მშვილდოსნებს ძალიან უყვართ მშვიდობა და ცხოველები, ამიტომ შეუძლიათ საკუთარი ცხოვრება წარმატებულად მიიჩნიონ, თუკი სადმე ბუნებრივ გარემოში ცხოველებს მოუვლიან. მშვილდოსნებისთვის იდეალური პირობაა სამსახურის ოთხ კედელს გარეთ მუშაობა, რადგან თავისუფლება მათთვის უპირველესია. აგრეთვე, არ უნდა დავივიწყოთ მშვილდოსნის ლიდერული თვისებები – ამ ზოდიაქოს წარმომადგენლები ხელმძღვანელ თანამდებობებზე შესანიშნავად გრძნობენ თავს.

თხის რქა

წარმატების მისაღწევად თხის რქებს სულაც არ ესაჭიროებათ რაიმე კონკრეტულ საქმიანობის სფეროებზე კონცენტრირება – ამ მხრივ ეს უნივერსალური ნიშანია. ერთადერთი რამ, რაც თხის რქებს აღელვებთ, ისაა, რომ მათ საქმიანობაზე მოთხოვნა  იყოს, მათთვის დანარჩენი ყველაფერი მეორეხარისხოვანია. თხის რქას ყოველთვის და ყველგან შეუძლია აუცილებელი სიმაღლეების ანუ იმ დონის მიღწევა, რომელსაც ის საკუთარი თავისთვის საკმარისად ჩათვლის. მას არ სჭირდება იმის ზუსტად ცოდნა, რისი კეთება სურს, ვინაიდან ნებისმიერი საქმიანობა გამოსდის. თხის რქები პროფესიას ადვილად იცვლიან, ზედმეტი ხმაურისა და განცდების გარეშე, ამიტომ მათთვის წარმატების ფორმულა რაღაცით სწორად სუნთქვის ინსტრუქციას ჰგავს – ასეთი ფორმულა მათ საერთოდ არ სჭირდებათ, რადგან ისედაც ყველაფერი კარგად გამოსდით.

მერწყული

მერწყულები საკმარის პოტენციალს ფლობენ იმისათვის, რომ საქმიანობის სრულიად განსხვავებულ სფეროებში მიაღწიონ წარმატებას. ისინი თავს კარგად გრძნობენ ადამიანებთან ურთიერთობისას და რაიმე მექანიკურ საქმიანობაზე კონცენტრირებისას. მთავარი პირობა შემდეგია: მათი სამუშაო მნიშვნელოვანი უნდა იყოს თვითგანვითარებისა და საზოგადოებისთვის; მერწყულებს ეჭვი არ უნდა ეპარებოდეთ იმაში, რომ მათი საქმიანობა ღირებულია, წინააღმდეგ შემთხვევაში წარმატების მიღწევაზე ლაპარაკიც კი ზედმეტია. ამ ზოდიაქოს წარმომადგენლებს ის აინტერესებთ, თუ როგორ შეახამონ ერთმანეთთან შინაგანი და გარეგანი ასპექტები. ამას გარდა, მათ სჭირდებათ რაღაც ისეთი, რაც სამუშაოს დააბალანსებს, მაგალითად, რაიმე მუდმივი გასართობები, რომლებიც მათ მიერ ძირითად საქმიანობაზე გაღებულ ძალებს აანაზღაურებს. სამუშაოსა და დასვენების გონივრულად ორგანიზების შემთხვევაში, მერწყულებს ყველა შანსი აქვთ, მათთვის საინტერესო ნებისმიერ სფეროში მიაღწიონ მნიშვნელოვან წარმატებებს.

თევზები

ცხოვრებაში თვითრეალიზაციისთვის თევზები სხვათა ზეგავლენისგან უნდა გათავისუფლდნენ. ვინმეს მოსაზრება მათთვის მხოლოდ და მხოლოდ საორიენტაციო ინფორმაციაა. როცა ვინმე მათ მრჩევლობას კისრულობს, ან კიდევ უფრო უარესი – პირდაპირ იწყებს მათი ცხოვრების მართვას, ამ ზოდიაქოს წარმომადგენლების ცხოვრებაში ყველაფერი ირევა. თევზები ვერ შეძლებენ სამუშაოს ეფექტიანად ორგანიზებას, თუ მუდმივად სხვა ადამიანის რჩევებს მიუგდებენ ყურს, რადგან თავიანთი წინააღმდეგობრივი ხასიათიდან გამომდინარე, მათ ისედაც ბევრ სირთულესა და შინაგან კონფლიქტთან უწევთ გამკლავება.

ძნელია იმის პროგნოზირება, რომელ სფეროში იქნებიან თევზები წარმატებულები, თუმცა არსებობს ასტროლოგიური ტენდენცია, რომლის მიხედვითაც, ამ ნიშნის წარმომადგენლები კარგად ავლენენ საკუთარ თავს ისეთ სფეროებში, რომლებშიც საჭიროა მოყვასზე ზრუნვა. ყოველ შემთხვევაში, ამას ისინი გულწრფელად აკეთებენ.

თამთა გურული

კომენტარები

Tags

Related Articles

Leave a Reply

Your email address will not be published. Required fields are marked *

Back to top button
გაზიარება
Close