დონალდ ტრამპმა ამ მძიმე სიტუაციაში იტალიის მხარდასაჭერად თავის ინსტაგრამზე იტალიის სამხედრო-საჰაერო ძალების უმაღლესი პილოტაჟის, Frecce Tricolori-ს ჯგუფის თვითმფრინავების მიერ მოწყობილი შთამბეჭდავი შოუს ვიდეო განათავსა და დაწერა: „ამერიკის შეერთებულ შტატებს უყვარს იტალია!“ (THE UNITED STATES LOVES ITALY!)
ლუჩანო პავაროტის მიერ შესრულებული არიის „Nessun Dorma“ (ჯაკომო პუჩინის ოპერიდან „ტურანდოტი“) ფონზე, იმ მომენტში, როდესაც პავაროტი ამბობს „vinceremo“ (ჩვენ გავიმარჯვებთ), სამხედრო-საჰაერო ძალების თვითმფრინავები იტალიის დროშის ფერების კვამლს სინქრონულად უშვებენ და ცაზე მწვანე-თეთრ-წითელი ხალიჩა იშლება.
ეს პასაჟი ძალზე სიმბოლურია და აშშ-ის პრეზიდენტის ჟესტიც იტალიელთა გასამხნევებლად კორონავირუსთან ბრძოლაში ფრიად სასიამოვნო და შთამბეჭდავია.
ამ დროისთვის დონალდ ტრამპის პოსტს 4,7 მილიონამდე ნახვა აქვს.
მანანა ბანძელაძე
კომენტარები