ევროპაში რეკორდულად მაღალი სიცხე დაბრუნდა – რეგიონი კლიმატური კატასტროფის ეპიცენტრშია

ორ­შა­ბათს ევ­რო­პის სამ­ხრეთ რე­გი­ო­ნებს კვლავ მა­ღა­ლი სი­ცხე და­ა­ტყდა თავს.

მეტეოროლოგიური პროგნოზით, იტალიაში სიცხის ტალღა პიკს მომდევნო დღეებში მიაღწევს, განსაკუთრებით ცენტრალურ და სამხრეთ რეგიონებში, სადაც ტემპერატურა 40 გრადუსს გადააჭარბებს, მაქსიმალური სიცხე კი ჩრდილო-დასავლეთ იტალიის სანაპირო რეგიონში – ლიგურიაში და ცენტრალური იტალიის რეგიონში – ტოსკანაში იქნება. ნაკლები სიცხეა მოსალოდნელი პიემონტის, ლომბარდიის, ტოსკანის, ლაციოსა და აღმოსავლეთ სარდინიის შიდა ნაწილში.

ფლო­რენ­ცი­ა­ში ამ კვი­რის ბო­ლოს 40°C ტემ­პე­რა­ტუ­რაა მო­სა­ლოდ­ნე­ლი კუნძულ სარ­დი­ნი­ა­ზე მზის დაკ­ვრით 4 წლის ბიჭი და­ი­ღუ­პა, იტა­ლი­ის შვიდ დიდ ქა­ლაქ­ში მა­ღა­ლი ტემ­პე­რა­ტუ­რის გამო გან­გა­შის წი­თე­ლი დონეა გამოცხადებული.

ორ­შა­ბათ დი­ლას ექ­სტრე­მა­ლუ­რი სი­ცხის გამო საფ­რან­გე­თის ტე­რი­ტო­რი­ის ნა­ხე­ვარ­ზე მეტი საფრ­თხის ზონაში მო­ექ­ცა. 96 ად­მი­ნის­ტრა­ცი­უ­ლი ერ­თე­უ­ლი­დან 12-ში გან­გა­შის წი­თე­ლი დონე გა­მო­ცხად­და, რაც იმას ნიშნავს, რომ უკი­დუ­რე­სად ხან­გრძლი­ვი სი­ცხე ადა­მი­ა­ნე­ბის ჯანმრთელობას სერიოზულ საფრ­თხეს შეუქ­მნის. ასეთ შემ­თხვე­ვებში ად­გი­ლობ­რივ ხე­ლი­სუფ­ლე­ბას უფლება აქვს, გააუქმოს ღია სივ­რცე­ში და­გეგ­მი­ლი ღო­ნის­ძი­ე­ბე­ბი, და­ხუ­როს სა­ზო­გა­დო­ებ­რი­ვი ად­გი­ლე­ბი და შეც­ვა­ლოს სკო­ლე­ბი­სა და სა­ზა­ფხუ­ლო ბა­ნა­კე­ბის გან­რი­გი.

სა­რა­გო­სა­სა და ბას­კეთ­ში ეს­პა­ნე­თის მე­ტე­ო­რო­ლო­გი­ურ­მა სამ­სა­ხურ­მა მა­ღა­ლი ტემ­პე­რა­ტუ­რის გამო მოსახლეობა „უკი­დუ­რე­სი საფრ­თხის“ შე­სა­ხებ გა­აფრ­თხი­ლა. ქვეყ­ნის და­ნარ­ჩენ ნა­წილ­ში ყვი­თე­ლი და ნარიჯისფერი გან­გა­შის დო­ნე­ე­ბია გა­მო­ცხა­დე­ბუ­ლი. მდინარე გვა­დალ­კვი­ვი­რის ქვემო წელის მიდამოებში ტემ­პე­რა­ტუ­რამ შეიძლება 44°C-ს გა­და­ა­ჭარ­ბოს.

სი­ნოპ­ტი­კო­სე­ბის ვა­რა­უ­დით, ქვეყნის სამ­ხრეთ-და­სავ­ლე­თში ტემ­პე­რა­ტუ­რა 42°C-ს გა­და­ა­ჭარ­ბებს, რაც ქვეყანაში სიცხის ახა­ლი რე­კორ­დი იქ­ნე­ბა (აქამდე რეკორდული ტემპერატურა 41,4°C დაფიქსირდა).

მეც­ნი­ე­რე­ბი მოსახლეობას აფრ­თხი­ლე­ბენ, რომ ევ­რო­პა თით­ქმის ორ­ჯერ იმა­ზე უფრო სწრა­ფად თბე­ბა, ვიდ­რე სა­შუ­ა­ლოდ მთე­ლი პლა­ნე­ტა და 2025 წელი შე­იძ­ლე­ბა ერთ-ერთი ყვე­ლა­ზე ცხე­ლი წე­ლი­წა­დი აღმოჩნდეს ისტორიაში მას შემდეგ, რაც დაკვირვებები მიმდინარეობს.

მანანა ბანძელაძე