რეკორდულად მაღალი ტემპერატურის შემდეგ შტორმი მილანში – არის მსხვერპლი

იტალიაში, მილანის ერთ-ერთ რაიონში ძლიერ შტორმს ერთი ადამიანი ემსხვერპლა. სახანძრო სამსახურის ინფორმაციით, 63 წლის ქალი – ვივიანა მარია ბალდასინი – ხის დაცემის შედეგად დაიღუპა. მასთან მყოფი ორი ადამიანი დაშავებულია.

ქალი სეირნობიდან ბრუნდებოდა, როდესაც ძლიერმა ქარმა ხე მოგლიჯა და მას დაეცა. ბუსტო-არსიციოს (ვარეზეს პროვინცია) პროკურატურამ გამოძიება დაიწყო 45-ე მუხლით საქმეზე, რომელსაც დამნაშავე (ეჭვმიტანილი) არ ჰყავს. აგრონომები ჩაატარებენ ექსპერტიზას წაქცეული ხის მდგომარეობის შესასწავლად.

რეკორდულად მაღალი ტემპერატურის შემდეგ შტორმის შედეგად მილანის რაინში დაიტბორა სარდაფები, წაქცეულია ხეები და ბილბორდები. შტორმმა ასევე დააზარალა ვენეტოს რეგიონი და ტოსკანის ნაწილი.

ამასთან, სამხრეთ და ცენტრალურ იტალიაში ჰაერის ტემპერატურა, , ძირითადად, კვლავ მაღალია.

ნანა ძნელაძე