აშშ-ის პრეზიდენტმა დონალდ ტრამპმა საკუთარი სუნამოების ხაზის გამოშვება გამოაცხადა, რომელიც თავის 45-ე და 47-ე პრეზიდენტობას მიუძღვნა.
ტრამპმა, რომლის სახელითაც უკვე გამოვიდა ოქროსფერი სპორტული ფეხსაცმელი, საათები და ბიბლიები, ახლა ორი ახალი სუნამო გამოუშვა. მას Victory 45-47 ჰქვია. ამის შესახებ გამოცემა The Independent-ი წერს.
სუნამოს მოოქრული ფლაკონები ტრამპის ფიგურის ფორმისაა. სუნამოები მოთავსებულია ოქროსფერ წარწერიან შავ ყუთში მამაკაცებისთვის და წითელ ყუთში – ასევე ოქროსფერი წარწერით – ქალებისთვის.
„ტრამპის არომატი უკვე აქ არის. სუნამოს Victory 45-47 ჰქვია, რადგან მას გამარჯვების, ძალისა და წარმატების სუნი აქვს. დატკბით, ისიამოვნეთ და განაგრძეთ გამარჯვება!“ – დაწერა ტრამპმა საკუთარ სოციალურ ქსელში Truth Social.
სუნამოების ღირებულება 199-იდან 249 დოლარამდე მერყეობს (თითო ფლაკონი).
სუნამოები ტრამპის ოჯახის მიერ წარდგენილი უახლესი პროდუქტებია. ივნისში მისმა ოჯახურმა ბიზნესმა ბრენდის სახელი მიანიჭა ახალ მობილურ სერვისს აშშ-ში და წარადგინა 499 დოლარად შეფასებული სმარტფონი, რომელიც ტრამპის საყვარელი ფერი, ოქროსფერია.
სანამ ტრამპის კრიტიკოსები მისი მართვის სტილის ლაბირინთებში გარკვევას ცდილობენ, ამერიკის პრეზიდენტი კიდევ უფრო მდიდრდება.
მანანა ბანძელაძე
ასევე, დაგაინტერესებთ: თქვენი ზოდიაქოს სურნელი – რომელ არომატს გვირჩევენ ასტროლოგები?
კომენტარები