ევროპის ჩემპიონატზე საქართველოს მსგავსი ისტორიები არ არსებობს – The Guardian

საქართველომ გააკეთა სტრუქტურა, რამაც უფრო შთამბეჭდავი გახადა მათი შეტევის მოძრაობა და შემოქმედებითობა, – ამის შესახებ აღნიშნულია The Guardian-ის სტატიაში, რომელიც ევროპის ჩემპიონატზე საქართველოს ნაკრების წარმატებას ეხება.

სტატიის თანახმად, ვილი სანიოლი წვრთნიდა ფეხბურთელებს კონტროლირებად დაბალ ბლოკში, რომელიც მზად არის, გაიხსნას იმგვარად, რაც შესაძლოა, უნიკალური იყოს და პირველი გოლი ამის ნათელი წარმოდგენა იყო.

„უფრო საინტერესო კი ის არის, რომ ეს არ იყო ესპანეთიდან ან გერმანიიდან კოპირებული აკადემიის სისტემა. საქართველომ უფრო მეტად შეინარჩუნა ფეხბურთისადმი საკუთარი კულტურული მიდგომა. ეს არ არის მხოლოდ ის, რაც გესმით ამ დისკუსიებში.

ქართული ფეხბურთი მრავალი თვალსაზრისით გამორჩეულია. უბრალოდ, შედით ინტერნეტში და მოძებნეთ კლიპები „დინამო“ თბილისის ლივერპულთან, 1979-1980 წლების ევროპის თასზე გამარჯვებიდან. ქართულმა მხარემ 3-0 დაამარცხა ბობ პეისლის დიდი გუნდი ექსპრესიულობითა და ინოვაციებით, რომელიც დღევანდელ ფეხბურთშიც კი გამორჩეული იქნებოდა.

„ვესტ ჰემ იუნაიტედი“ დღემდე საუბრობს, როგორ გაანადგურა ისინი იმავე გუნდმა მომდევნო სეზონში, ევროპის თასების მფლობელთა თასის მოგების გზაზე. კლუბები, როგორიცაა დინამო თბილისი, კვაზიეროვნულ გუნდებად ასპარეზობდნენ, მაგრამ საქართველოს ახლა ჰყავს საკუთარი გუნდი, მათაც აქვთ საკუთარი დიდება. კვარაცხელიამ განუცხადა „ნიუ იორკ თაიმსს“, თუ როგორ აყალიბებს ინდივიდუალური ჩვენება და ექსპრესიულობა ქართული კულტურის ძირითად ნაწილს და ეს არის ის, რის ჩართვასაც ცდილობდა ფეხბურთის ფედერაცია შიდა თამაშის ინფრასტრუქტურაში. რა თქმა უნდა, ეს არის თანამედროვე ტექნიკური და ტაქტიკური მწვრთნელობა, მაგრამ ამ იშვიათი ინდივიდუალობის შენარჩუნებით. ევროპის ჩემპიონატზე საქართველოს მსგავსი ისტორიები არ არსებობს“, – აღნიშნულია სტატიაში.