ჰალიფაქსიდან (კანადის პორტი ატლანტის ოკეანის სანაპიროზე) უკვე გამოფრინდა თვითმფრინავი, რომელიც უკრაინაში კანადიდან პირველ საბრძოლო ტანკს – Leopard 2-ს ჩაიტანს. ამის შესახებ „უკრაინსკაია პრავდა“ წერს კანადის თავდაცვის მინისტრის, ანიტა ანანდის ტვიტერის პოსტზე დაყრდნობით.
Today, an @RCAF_ARC aircraft departed Halifax carrying the first Leopard 2 main battle tank that Canada is sending to Ukraine.
Canada stands with the people of Ukraine – and we’ll continue to provide Ukraine’s Armed Forces with the equipment that they need to win. pic.twitter.com/N1MLq40cL6
— Anita Anand (@AnitaAnandMP) February 4, 2023
„დღეს ჰალიფაქსიდან აფრინდა კანადის საჰაერო ძალების თვითმფრინავი პირველი მთავარი საბრძოლო ტანკით – Leopard 2-ით, რომელსაც კანადა უკრაინაში გზავნის.
კანადა უკრაინელი ხალხის გვერდით დგას და გავაგრძელებთ უკრაინის შეიარაღებულ ძალებისთვის იმ აღჭურვილობის მიწოდებას, რომელიც მათ გამარჯვებისთვის ესაჭიროებათ“, – დაწერა 4 თებერვალს ტვიტერზე კანადის თავდაცვის მინისტრმა.
რამდენიმე დღით ადრე, 26 იანვარს ანიტა ანანდმა განაცხადა, რომ კანადა უკრაინას უახლოეს კვირებში ოთხ მთავარ საბრძოლო ტანკს Leopard 2-ს მიაწვდის.
დღეს ცნობილი გახდა, რომ გერმანიისა და პოლონეთის გარდა უკრაინას გერმანული წარმოების Leopard 2-ს პორტუგალიაც მიაწვდის. საუბარია 4 ერთეულზე. ეს ინფორმაცია, რომელიც მანამდე პორტუგალიურმა მედიამ გაავრცელა, შაბათს ქვეყნის პრემიერ-მინისტრმა ანტონიუ კოშტამაც დაადასტურა.
გარდა „ლეოპარდებისა“ უკრაინა ამერიკულ „აბრამსებსაც“ ელოდება -„ვაშინგტონ პოსტის“ ინფორმაციით, ამერიკულ „აბრამსის“ ტიპის ტანკებს უკრაინა 2023 წლის ბოლოს ან 2024 წლის დასაწყისში მიიღებს. გამოცემა წერს, რომ უკრაინისთვის მწარმოებელს ახალ „აბრამსებს“ შეუკვეთენ ურანის ჯავშნის გარეშე, რადგან მათი მაღალჩინოსანი წყაროების ცნობით, ურანის ჯავშანი საიდუმლო ტექნოლოგიაა და პენტაგონს არ სურს, ის რუსეთის ხელში მოხვდეს.
ნიკო აბაშიშვილი
მსგავს თემაზე: მიცოტაკისი განმარტავს, რატომ არ მიაწვდის საბერძნეთი უკრაინას LEOPARD 2-ის ტიპის ტანკებს
მიცოტაკისი განმარტავს, რატომ არ მიაწვდის საბერძნეთი უკრაინას LEOPARD 2-ის ტიპის ტანკებს
კომენტარები