ზოდიაქოს 5 ნიშანი, რომელთა ცხოვრებაც 2023 წელს მკვეთრად შეიცვლება
ასტროლოგების თქმით, ზოგიერთი ზოდიაქოს ნიშნის წარმომადგენელთა ცხოვრება 2023 წელს მკვეთრად შეიცვლება. ესენია:
წლის დასაწყისში ყველაზე დიდი და პოზიტიური პლანეტა იუპიტერი ვერძის ნიშანში გადავა. ეს ნიშნავს, რომ ამ ნიშნის წარმომადგენლებს ყველა საკითხში გაუმართლებთ. თუ 2022 წლის ბოლოს ვერძს რაღაც არ გამოუვიდა, არ უნდა იდარდოს, რადგან 2023 წელს ამ ნიშნის წარმომადგენლებს უზარმაზარი წარმატება ელით!
ვერძებს ურჩევენ, ამ პერიოდში ახალი საქმეები, პროექტები დაიწყონ, გარისკონ და მთელი თავიანთი ცეცხლოვანი პოტენციალი მაქსიმალურად გამოიყენონ. ეს განსაკუთრებით ფინანსების სფეროს ეხება. ფულთან ურთიერთობა 2023 წელს ვერძისთვის ახალ დონეს მიაღწევს და მათი ფინანსური მდგომარეობა საგრძნობლად გაუმჯობესდება.
რომანტიკული ურთიერთობისთვის განსაკუთრებით ხელსაყრელი პერიოდი გაზაფხული იქნება. ვინც თავისი ცხოვრების სიყვარულს ეძებს, აუცილებლად იპოვის მას. მარსის ენერგიით მართულ ვერძის ნიშანს აქვს ძლიერი და თავდაჯერებული ხასიათი, 2023 წლის განმავლობაში იგრძნობს უფრო მეტ გამბედაობას და სურვილი გაუჩნდება მის შესახებ მთელმა მსოფლიო იცოდეს. ვერძებო, გამოიყენეთ ეს მომენტი!
დროა კირჩხიბი დატკბეს პოზიტიური ცხოვრებისეული ცვლილებებით. უკვე იანვარში ამ ნიშნის ქვეშ დაბადებული ადამიანები ახალი იდეებით იქნებიან შთაგონებულნი. ბევრს ელის სამსახურში დაწინაურება და მნიშვნელოვან ცვლილებები კარიერაში საუკეთესო კუთხით. კირჩხიბებს მოუწოდებენ, 2023 წელს იყვნენ უფრო გაბედულები, განახორციელონ თავიანთი ყველა იდეა, იოცნებონ და იმოქმედონ, რადგან დიდი მიღწევები ელით კარიერაში და, აგრეთვე, სტატუსის შეცვლა საზოგადოებაში. მიუხედავად იმისა, რომ ამ ნიშნის მრავალი წარმომადგენლისთვის კარიერა ყველაფერზე წინ არ დგას, უბრალოდ, მიიღეთ ეს საჩუქარი სამყაროსგან.
ასევე, 2023 წელი კირჩხიბებისთვის გაცნობისა და კომუნიკაციის წელი იქნება. ნუ დაემალებით ხალხს, მოიქცეთ თამამად და ღიად. ახალმა ნაცნობობამ თქვენს ცხოვრებაში შეიძლება საინტერესო და სასარგებლო თემები შემოიტანოს.
2023 წლის დასაწყისში სასწორები შეძლებენ ამოისუნთქონ და გათავისუფლდნენ იმ ვალდებულებების ნაწილისგან, რომელთა შესრულებაც წინა პერიოდში ვერ შეძლეს. ისინი შვებას, საყვარელი ადამიანების მხარდაჭერას და შინაგან ძალას იგრძნობენ.
შესანიშნავი წელია პირადი ურთიერთობებისთვის: მარტოხელა სასწორები თავიანთ მეორე ნახევარს იპოვიან. ისინი კი, ვისაც უკვე ჰყავს პარტნიორი ან მეუღლე, ურთიერთგაგებისა და სიყვარულის ახალ დონეს მიაღწევენ.
გაზაფხულის დასაწყისი იდეალური დროა საყვარელი ადამიანებისთვის ყველაზე უჩვეულო და სასიამოვნო საჩუქრების გასაკეთებლად. ასევე, 2023 წელი სასწორებისთვის წარმატებას და პროფესიულ ცვლილებებს მოიტანს. რეკომენდებულია იყოთ უფრო გაბედული, ცადოთ თუნდაც ახალი, სრულიად უცნობი საქმის დაწყება – სასწორები ასე უფრო შეძლებენ, სწრაფად გამოავლინონ თავიანთი პოტენციალი და საკუთარი ცხოვრების მთავარი საქმე იპოვონ.
თხის რქებს 2023 წელს საკუთარ თავზე ბევრი მუშაობა მოუწევთ. თუ ადრე ლოგიკა და ნიჭი მათი ერთგული თანამგზავრები იყო გადაწყვეტილების მიღებისას, 2023 წელს მოუწევთ, მოუსმინონ საკუთარ ინტუიციას და ისწავლონ გადაწყვეტილებების მიღება მათთვის ამ უჩვეულო „ინსტრუმენტის“ – გუმანის დახმარებით.
თხის რქები უფრო მგრძნობიარენი და უფრო მზრუნველნიც გახდებიან საყვარელი ადამიანების მიმართ. წლის პირველ ნახევარში რეკომენდებულია ახლობლებს მეტი ყურადღება მიაქციოთ. ეს წელი ცვლილებების წელია როგორც პირად, ისე პროფესიულ ცხოვრებაში და ეს ცვლილებები ნუ დაგაფრთხობთ.
2023 წელს ამ ნიშნის მრავალი წარმომადგენლისთვის საბინაო საკითხი წარმატებით გადაწყდება – მოსალოდნელია ახალი უძრავი ქონების შეძენა ან არსებული საცხოვრებელი პირობების გაუმჯობესება. ზოგადად, თხის რქებისთვის 2023 წელი სიყვარულისა და ჰარმონიის წელია.
2023 წელი თევზებს თავდაჯერებულობას და შინაგან სიმტკიცეს მოუტანს. ბევრად გაგიადვილდებათ ცხოვრებისეული გეგმების შედგენა. ამ ნიშნის წარმომადგენლებს ურჩევენ, საახალწლო არდადეგებზე წინასწარ დასახონ გრანდიოზული, გრძელვადიანი მიზნები მინიმუმ 5 წლით.
გაზაფხულიდან დაწყებული, ყველა თევზი უნდა ეცადოს, გრაფიკით იცხოვროს. წყლის სტიქიის ამ ნიშნისთვის უჩვეულო ყოველდღიური რუტინა დადებითად აისახება არა მხოლოდ მათ პირად პროდუქტიულობაზე, არამედ კონკრეტულად მათ კარიერულ ზრდაზე.
მათი ფინანსური მდგომარეობა საგრძნობლად გაუმჯობესდება და თანაც არც ისე დიდი ძალისხმევა დასჭირდებათ ამისთვის. 2023 წელს თევზები გაიცნობენ სასიამოვნო ადამიანებს, რომლებიც მათთვის მნიშვნელოვანი გახდებიან როგორც პროფესიულად, ისე სულიერად.
თამთა გურული
კომენტარები