კვირის ასტროლოგიური პროგნოზი ზოდიაქოს ნიშნებისთვის, 3-9 ოქტომბერი

ამ კვირის პირველი ნახევარი წარმატებას მოუტანს ადამიანებს, რომლებიც ინტელექტუალური შრომით არიან დაკავებულნი. ახლა შესამჩნევად ძლიერდება ფანტაზია, წარმოსახვითი აზროვნება და შემოქმედებითი ნიჭით დაჯილდოებულ ადამიანებს ექნებათ შანსი, შექმნან ნამდვილი შედევრები მუსიკისა და ლიტერატურის სფეროში. გამოიყენეთ ეს პერიოდი შემოქმედებისთვის: სიმღერისთვის, ცეკვისთვის, ვიზუალური ხელოვნებისთვის…

კვირის მეორე ნახევარი უფრო დატვირთული და, ამავე დროს, რომანტიკული იქნება. ახალი ნაცნობობა შეიძლება ეფუძნებოდეს ფიზიკურ მიზიდულობას, სიამოვნებისკენ ლტოლვასა და ერთობლივ გართობას. კვირის მეორე ნახევრის მნიშვნელოვანი ასპექტი შეიძლება იყოს ერთგვარი დილემა თვითდისციპლინასა და თავდაჯერებულობას შორის. ვარსკვლავები იმაზე მეტყველებენ, რომ ახლა უკიდურესობამდე არ უნდა მიხვიდეთ. რეკომენდებულია უფრო რაციონალურად დაგეგმოთ დღე, გამონახოთ დრო როგორც სამუშაოსთვის, ისე დასვენებისთვის.

 

ვერძი

ამ კვირაში მოვლენები თქვენთვის ხელსაყრელი მიმართულებით განვითარდება და შესაძლოა მოულოდნელად წარმოიშვას თქვენი კარიერის ახალი პერსპექტივები. ოთხშაბათს შეეცადეთ იყოთ უფრო ყურადღებიანი წვრილმანების მიმართ და უარი არ თქვათ მეგობრების დახმარებაზე. სამსახურში საქმეები დაგროვდება, მაგრამ ყველაფერს საკუთარ თავზე ნუ აიღებთ,  მოძებნეთ დამხმარე. პარასკევს ბედი შემოგთავაზებთ გათვლილი რისკის აღებას და წარმატების მიღწევაში დაგეხმარებათ. სავარაუდოდ, შაბათ-კვირას სასიამოვნოდ დაისვენებთ თქვენთვის მოულოდნელ ადგილას.

სასიკეთო დღეები: 4, 5.

არასასიკეთო დღე: 7.

 

კურო

ამ კვირაში განსაკუთრებით კარგად იმუშავებთ გეგმებისა და მოხსენებების შედგენისას. დეტალები უფრო ნათლად გამოჩნდება, ვიდრე ოდესმე, გრაფიკა იქნება ნათელი და დახვეწილი უმცირეს დეტალებამდე. ასევე, ამ სამუშაოს წამოწყება განსაკუთრებით კარგი იქნება თანამოაზრეთა გუნდთან მჭიდრო თანამშრომლობით. ამ კვირაში წარმატებული იქნება მოგზაურობები. ვარსკვლავები დაგეხმარებიან იპოვოთ სიმშვიდე და ჰარმონია, რასაც ეძებდით. ცხოვრების ფილოსოფიური გაგება და სიმშვიდე, თუნდაც რთულ სიტუაციებში, შესაძლებლობას მოგცემთ ბრწყინვალე შედეგებს მიაღწიოთ.

სასიკეთო დღეები: 3, 8.

არასასიკეთო დღე: 4.

 

ტყუპი

ამ კვირაში შეძლებთ უსაფრთხოდ მოაგვაროთ პრობლემა, რომელიც დიდი ხანია გაწუხებთ. იგრძნობთ, რომ ცხოვრება უკეთესობისკენ მიდის, წარმატებას მიაღწევთ თქვენი გეგმების განხორციელებისას. სწორედ თქვენ შეძლებთ, იპოვოთ გამოსავალი დამაბნეველი სიტუაციიდან და კოლეგები, ბიზნესპარტნიორები და ხელმძღვანელობა მადლობას გადაგიხდიან. და, სავარაუდოდ, კარგი მიზეზების გამო იქნებით თქვენი მეგობრებისა და ოჯახის წევრების ყურადღების ცენტრში.  პირად ცხოვრებაში გელით რომანტიკა და ოცნებების ახდენა.

სასიკეთო დღეები: 7, 9.

არასასიკეთო დღე: 3.

 

კირჩხიბი

ამ კვირაში კარიერული ზრდის შესაძლებლობები გექნებათ, თუმცა დიდი ინფორმაციული დატვირთვის რისკის ქვეშ ხართ. ასე რომ, ფრთხილად იყავით ახალ მაცდუნებელ პროექტებთან დაკავშირებით, შეიძლება მათ ყურადღება გაგიფანტონ და ჭეშმარიტ გზას ასცდეთ. სამშაბათს წარმატებულია მოლაპარაკებები და საქმიანი შეხვედრები, სამართლებრივი საკითხების მოგვარება. ზოგადად, ამ კვირამ უნდა მოგიტანოთ კარგი განწყობა, თანდათანობითი ინტელექტუალური ზრდა და, შედეგად, შემოქმედებითი აღმავლობა.

სასიკეთო დღეები: 3, 5.

არასასიკეთო დღე: 6.

 

ლომი

ამ კვირაში წარმატებისთვის განსაკუთრებით საჭირო იქნება ანალიზისა და საქმეების მოწესრიგების უნარი. სასურველია ყურადღებით დააკვირდეთ თქვენს დაქვემდებარებაში მყოფი თანამშრომლებისა და საქმიანი პარტნიორების ქმედებებს, მათ შეუძლიათ ბევრი შეცდომა დაუშვან, რომლებზე პასუხისმგებლობა თქვენ დაგეკისრებათ და გამოსწორებაც თქვენ მოგიწევთ. შეეცადეთ ნაკლები ისაუბროთ და მეტი იმოქმედოთ. ნუ დააჩქარებთ მოვლენებს პირად სფეროში, სანამ რაღაცის შეცვლის დრო არ დადგება. შაბათ-კვირა მშვიდ გარემოში გაატარეთ და კარგად დაისვენეთ, რათა ძალები აღიდგინოთ.

სასიკეთო დღეები: 5, 6.

არასასიკეთო დღე: 3.

 

ქალწული

ამ კვირაში თქვენი დევიზია მეტი მოუსმინოთ და ნაკლები ისაუბროთ. მოგიწევთ დახმარებისთვის თქვენს ინტუიციას და სიბრძნეს მიმართოთ. მუდმივად ცვალებად სიტუაციებში მოქნილობა გჭირდებათ, ისწავლეთ ემოციების მართვა. სასურველია გადახედოთ თქვენს ყოველდღიურობას, შეეცადოთ დააბალანსოთ სამუშაო დრო და დრო, რომელსაც სახლსა და ოჯახს დაუთმობთ. კვირის ბოლოს არ მისცეთ საშუალება ახლობელ ადამიანებს ჩაერიონ თქვენს საქმეებში. შაბათ-კვირას ნუ იტყვით უარს მეგობრების მიწვევაზე და მათთან ერთად დროის გატარებაზე.

სასიკეთო დღეები: 3, 8.

არასასიკეთო დღე: 4.

 

სასწორი

ეს კვირა მშვიდი ტემპით ჩაივლის, თუ, რა თქმა უნდა, საკუთარ თავს ზედმეტ პრობლემებს თავად არ შეუქმნით. შეეცადეთ რეალურად გამოთვალოთ თქვენი ძალა და არ აიღოთ ზედმეტი სამუშაო და მძიმე ვალდებულებები. სამსახურში უკვე გაფასებენ და თქვენგან საინტერესო იდეებს ელიან. მახვილგონიერება საშუალებას მოგცემთ დაინახოთ არსებული სიტუაცია მეორე მხრიდან და იპოვოთ ორიგინალური გზა პრობლემების გადასაჭრელად.  კვირის ბოლოს  შეძლებთ საყვარელ ადამიანებთან ერთად კარგად დაისვენოთ.

სასიკეთო დღეები: 6, 8.

არასასიკეთო დღე: 9.

 

მორიელი

ეს კვირა წარმატებული იქნება და ყოველგვარი უსიამოვნებისა და გართულების გარეშე ჩაივლის. ორშაბათი ნაყოფიერია მნიშვნელოვანი ამოცანების გადასაჭრელად და საქმიანი შეხვედრების ჩასატარებლად. იფიქრეთ თქვენი ნიჭის არეალის გაფართოებაზე.  შემოგთავაზებენ დაწინაურებას ან ახალ სამუშაოს, რომელიც უკეთესად ანაზღაურდება. ამ კვირაში ბევრ თქვენგანს რომანტიკული განწყობა ექნება, ასე „ამბობენ“ ვარსკვლავები. მარტოხელა მორიელებს შესაძლოა ბედი გაეხსნათ და ოჯახის შექმნაზე სერიოზულად დაფიქრდნენ.

სასიკეთო დღეები: 7, 9.

არასასიკეთო დღე: 6.

 

მშვილდოსანი

ამ კვირაში შეძლებთ კარიერაში მნიშვნელოვან წინსვლას. კვირის დასაწყისში სავარაუდოა საპასუხისმგებლო მოლაპარაკებები და ახალი საქმიანი პარტნიორების შეძენა. მთავარია  ნაჩქარევი,  იმპულსური გადაწყვეტილებები არ მიიღოთ და საკუთარი ძალისხმევით ყველაფერს მიაღწევთ. გაითვალისწინეთ რჩევა და ამ კვირაში დაპირებას ნურავის მისცემთ, – მუშაობის ამჟამინდელი ტემპით მისი შესრულება გაგიჭირდებათ. პარასკევს არც ისე ადვილი იქნება  ყველა თქვენი გეგმის განხორციელება, მაგრამ, პრინციპში, მნიშვნელოვანი მონდომებითა და ძალისხმევით, ეს შესაძლებელია.

სასიკეთო დღეები: 6, 7.

არასასიკეთო დღე: 4.

 

თხის რქა

ამ კვირაში კონფლიქტის დრო არ არის, სჯობს რთულ გარემოებებთან შეგუება. შესაძლოა, პროფესიულ თუ ფინანსურ საკითხებთან დაკავშირებით მნიშვნელოვანი გადაწყვეტილების მიღება მოგიწიოთ. სამშაბათს მოკლე მოგზაურობები წარმატებული იქნება და ბევრ საინტერესო ადამიანს გაიცნობთ. შესაძლებელია ინტიმური ხასიათის მაცდური შეთავაზებები. კვირის მეორე ნახევარში რამდენიმე მნიშვნელოვან ცვლილებას უნდა ელოდოთ როგორც პირად, ისე პროფესიულ ცხოვრებაში, რაც ვარსკვლავების გავლენით არის განპირობებული. შაბათ-კვირას საუკეთესოდ გაატარებთ სახლში.

სასიკეთო დღეები: 5, 8.

არასასიკეთო დღე: 3.

 

მერწყული

ახლა დროა გადახვიდეთ თქვენს ყოველდღიურ საქმეებზე, მხოლოდ რაიმე ახალი ან გლობალური მიზნის გარეშე. ხუთშაბათს შესაძლოა უცებ რაღაცამ შეგაშფოთოთ, შეეცადეთ არ ინერვიულოთ, რადგან ყველაფერი უპრობლემოდ მოგვარდება. თუ რამის გაკეთება გინდათ – გააკეთეთ, არ ჩაერიოთ სხვა ადამიანების საქმეებში. პარასკევს უმჯობესია თავი შეიკავოთ ენერგიული აქტივობისგან. კვირას გამოიყენეთ ყველა შესაძლებლობა დასვენებისა და განტვირთვისთვის, თქვენი სიმშვიდე ირგვლივ მყოფებსაც გადაედებათ, რაც ურთიერთობებზე დადებითად აისახება.

სასიკეთო დღეები: 7, 8.

არასასიკეთო დღე: 4.

 

თევზები

ეს კვირა ძალზე დატვირთული და დაძაბული იქნება. დიდი ალბათობით, მოსალოდნელია კარდინალური ცვლილებები პირად ცხოვრებაში. სამშაბათს სამსახურში კოლეგებთან და საქმიან პარტნიორებთან ურთიერთობა გართულდება. ეცადეთ იყოთ უფრო მომთმენი, ღია კონფლიქტს   მოერიდეთ. ხუთშაბათი კარგი დღეა მოგზაურობისთვის, ასევე, კარგია ოჯახური პრობლემების მოსაგვარებლად და ნათესავებთან ურთიერთობის დასალაგებლად.. კარგი იქნება, თუ შაბათ-კვირას მეგობრებთან ერთად გაატარებთ, – დადებითი ემოციები და კარგი განწყობა დიდხანს გაგყვებათ.

სასიკეთო დღეები: 8, 9.

არასასიკეთო დღე: 6.

თამთა გურული