ბრაზილიაში თვითმფრინავმა კატასტროფა განიცადა. ATR-72-ს ბორტზე 61 ადამიანი – 57 მგზავრი და ეკიპაჟის 4 წევრი იმყოფებოდა. ინფორმაციას ამის შესახებ საერთაშორისო მედია ავრცელებს. ყველა მათგანი დაიღუპა.
ავიაკომპანია Voepass-ს თვითმფრინავი კასკაველიდან სან-პაულუში მიფრინავდა, თუმცა ქალაქ ვინედოს საცხოვრებელ უბანში ჩავარდა. სოციალურ ქსელში ვრცელდება ავიაკატასტროფის ამსახველი ვიდეოები.
თვითმხილველთა განცხადებით, თვითმფრინავი ვარდნისას სპირალისებურად ეშვებოდა.
NOW – Passenger plane falls from the sky in Vinhedo, Brazil.pic.twitter.com/eswuOMvtL4
— Disclose.tv (@disclosetv) August 9, 2024
ბრაზილიის პრეზიდენტმა ლულა და სილვამ განაცხადა, რომ სან-პაულუს შტატში სამგზავრო თვითმფრინავის ჩამოვარდნის შედეგად ბორტზე მყოფი 61-ვე ადამიანი დაიღუპა.
რაც შეეხება საცხოვრებელ უბანს, სადაც თვითმფრინავი ჩამოვარდა, არსებული ინფორმაციით, იქ არავინ დაშავებულა.
შემთხვევის ადგილზე პოლიცია და მაშველები არიან მობილიზებულნი.
Flightradar24-ის ინფორმაციით, თვითმფრინავი 2010 წელს იყო აგებული.
ავიაკატასტროფის სხვა დეტალები, რა მოხდა და რატომ განიცადა ვარდნა თვითმფრინავმა, ამ ეტაპზე უცნობია.
ნანა ძნელაძე
კომენტარები